Otzitanos a lamenta in Besier (Frantza Meridionale) su 17 de martzu chi benit. A pustis de sa manifestatzione manna fata in Carcassone s'annu coladu, su movimentu de amparu de sa limba ocitana at ghetadu su bandu in internet pro totu cuddos chi cherent partzipare. A sa manifestatzione de doighi meses como aiant partitzipadu unos 10 mìgia ativistas chi aiant pedidu a su guvernu frantzesu una lege e dinare pro agiudare sa limba de sos antigos "trobadores" proventzales chi gasi meda at fatu pro sa cultura europea. Finas sos ocitanos de sas baddes de su Piemonte cherent èssere presentes. 

fontes: Chambra d'oc 

e http://manifestar.online.fr/?2006/09/24/56-appel-a-manifester