Su Dipartimentu de su Guvernu Catalanu cumpetente, sos fraigadores de telefoneddos e argunas cumpangias telefònicas ant firmadu de reghente unu acordu pro afortigare sa presèntzia de su catalanu in su setore e lu fàghere intrare a manera prus potente in sos menù e in su manìgiu de sa telefonia mòbile. Sas impresas ant leadu s’impignu de tancare sas operatziones de intramentu de sa limba catalana in sos telefoneddos intro su 31 de nadale de su 2008. Ant partitzipadu a s’initziativa promòvida dae sa Generalitat ghiada dae su sotzialista Montilla sa Nokia, Motorola, Grunding i Alcatel, Movistar, Vodafone, Orange e Yoigo. 

Fons: Diari de Girona 15 febrer 2007