Chimbemìgia pessones ant leadu parte sapadu 24 freàrgiu coladu in Belfast a sa prima manifestatzione in favore de su Gaèlicu in Irlanda de su Nord dae non s'ischit cando. Est prus de chentu annos chi non si intendet prus faeddare s'antiga limba tzèltica in sa capitale de s'Ulster e nointames custu sa marcia chi cheriat otènnere s'atentu de su guvernu at balangiadu una bella resessida. At lòmpidu gente dae onni chirru de s'ìsula (finas dae s'Eire, s'Irlanda indipendente), ma sa cosa chi at fatu prus ispantare sos organizadores est chi sos pitzinnos de Belfast matessi, chi no ant mai faeddadu sa limba de identidade istòrica, fiant in buca de traca de sa manifestatzione. Custu sentidu lassat isperare bene pro su tempus benidore de custa limba chi, dae reghente, at tentu su reconnoschimentu de ufitzialidade dae s'Unione Europea

fons: eurolang