Diariulimba aberit una setzione noa in su giassu cun “Forumlimba”. Custa rubrica noa la faghimus pro dare unu agiudu e unu traste de traballu a totus sos operadores de sa limba sarda chi podent tènnere dudas, meledos o ideas noas de cuncambiare cun sos àteros. 

Atinende a sos problemas de cada unu de sos traballadores, chi su prus de sas bortas s’agatant in sos ufìtzios de sa limba unu pagu a sa sola nointames s’interessu de sa Regione, de sas Provìntzias e de Entes subracomunales, cun Forumlimba damus ocasione pro istèrrere unu mètodu de traballu prus parìvile, pro punnare a una professionalizatzione prus arta, pro arrichire cada unu de nois de s’esperièntzia de sos àteros, pro non rùere in su dopolavorismu. 

Una manera moderna de fàghere polìtica linguìstica chi boghet a campu non petzi problemas ma fintzas solutziones. Perdonade si ais a agatare carchi faeddu in italianu ma a bellu∙a bellu amus a acontzare sas cosas. Registrade∙bos e ais a retzire una mail dae Diariulimba cun sa password.

Ammentende chi su Forum l’amus fatu pro traballare mègius e non pro àteru (bìdere su regulamentu) e chi podides èssere burrados in onni momentu, su diretore de Diariulimba Pepe Coròngiu e sa redatzione bos faghent sos augùrios pro Paschighedda e narant “bonos printzìpios e mègius fines” pro su 2008 a totu cantos.


LINK FORUMLIMBA