Pustis de su dibàtitu de Sèdilo retzimus e publicamus cun piaghere 





Limba sarda

De Tonino Sanna





Sind’ischidat Zusepp’unu manzanu

iscultende a curba una poesia

e illierat sa limb’e mesania.

Pascuale sedilesu paesanu

onorende su regnu ‘e silvanu

infiorit Logudoro in galanìa.

Sas aeras minettant abb’e bentu,

tremet su Limbara e Gennaregentu.



Renatu, ch’est naschidu seddoresu,

‘e sos tronos intendet su chimentu,

luego mariettat un’imbentu,

cun sa Limba Comuna s’est trattesu.

Su limbazu tres boltas l’an distesu

buglias bugliend’onzi momentu,

in abbas pagu giaras navighende

amparu dae sos santos invochende



Pro finis bos naro giaru e francu,

“in sa losa Zuann’Ispanu s’est girende,

Remund’est dae su palcu trodulende,

furriadu Murenu at su fiancu”.

Onzi sardu in pena med’istancu

a russu su limbaz’est maghinende.

In Cana l’an giambada s’abba in binu

non giambedas a sa limba determìnu



E nat su diciu.

Comente misuras t’an’a misurare;

ma s’intonat su rettore dies illa

est pro certu chi finimos custa trilla,

gai su miserere tocat de cantare.





Tonino Sanna - Sèdilo