Rai galu sena limbas de minoria. Si riscat de non bìere e intendère mai is limbas de minorias in sa Rai. In sa botza de cuntratu de serbìtziu intre Ministèriu de sa comunicatzione pùblica e Rai chi sunt aparitzende in custas dies, is limbas minoritàrias non sunt mancu numenadas. Su "cuntratu" est un'atu chi enit fatu onni tres annos pro apostivigare ite òbrigos diat tènnere sa Rai cun su guvernu e cale programmatzione depet sighire comente sienda chi si ocupat de "serbìtziu pùblicu". Sa lege 482/99, e àteros atos de su Parlamentu Italianu, ant atremenadu chi su sardu e su friulanu sunt limbas chi depent èssere ogetu de trasmissiones radiotelevisivas pùblicas. Ma custu determìniu no dd'ant mai cumpridu. In capas Gentiloni, su ministru de sa Comunicatzione est pagu amigu de sas minorias italianas? Sende chi su guvernu Prodi est in falada libera in totu sos audìtzios e sondàgios chi si faghent oe in die, cherent fortzis sos partidos de tzentrumanca a falare de prus? Intantu in pagos si sunt abistos chi sa Rai regionale sarda (mescamente sa ràdiu) at otentu ispàtzios de programmatzione "regionale". Bene, si diat pòdere nàrrere. Làstima chi sos programmas ddos faghent in italianu...


...possibile chi nemos intendat su dovere de intervènnere? 


fonte: www.lenghe.it (in parte)