Su primu spot publicitàriu fatu in sardu pro publicizare su sardu de s'istòria de sa televisione est cussu chi aiat fatu s'assessore Benedetto Ballero pro difùndere sa nova de cunvocatzione de sa Cunferèntzia Regionale de sa limba sarda in s'annu 1998 o 1999. Non totus s'arregodant ca tando,a dolu mannu, mancari non si impegnaiant meda in chistiones de limba, de identidade o de indipendentismu. Tando argunos chi oe iscrient fitianos in sos forum de s'IRS fiant candidados (e eletos) in sas listas polìticas de Alleanza Nazionale in sa comuna de Cuartu pro sas circoscritziones. Gratzias a su "diletantismu" de chie traballaiat tando in Cuartu aiant frecuentadu s'iscola comunale e "iscobertu" ca esistiat su sardu. Oe gràtzias a su diletantismu de chie at tentu s'idea de presentare progetos de finantziamentos proite ca forsis fiat unu dirigente bravu traballant in un'amministratzione chi dae cussos annos est interessada meda a sos problemas de sa limba. E faghet bene proite s'inditu polìticu est pretzisu. Su tempus e sos giudìtzios crìticos ant a nàrrere intames chie sunt sos diletantes e sos pressapochistas chi cherent fàghere su bilinguismu ufitziale sena normas e sena mètodu iscriende su sardu comente ddis essit.