"Occitania. Un’idea senza confini" est unu libru fatu dae su Espaci Occitan e Radio 3 Rai cun s'agiudu de sa Fundatzione Càscia De Aorru de Torinu. S'òpera est dedicada in totu a sa minoria otzitana e nd'est su resurtadu de unas cantas intervistas fatas dae Enrico Lantelme, Alberto Gedda e Gianni Galli pro s'omòninu programma radiufònicu ghiadu dae Ermanno Anfossi e mandadu in unda in radio 3 rai in s'annu 2004. Su libru est istadu presentadu fintzas in sa Fiera de su Libru de Torino 2006 cun s'interventu de s'assessore de sa cultura de sa Regione Piemonte Gianni Oliva e su diretore de sos programmas Radio RAI Sergio Valzania chi at espressadu s'idea de sighire sa collaboratzione cun Espaci occitan. Una còpia de su libru podet èssere retirada in sa sea de su Espaci occitan a indonu fintzas a cando no ant a finire. No ischimus si s'ant a fàghere ispeditziones postales, ma pro cussu ponimus s'inditu segreteria@espaci-occitan.org e chie cheret podet dimandare informatziones ulteriores a nòmene nostru. 
Sa letura de custu libru est s'ocasione pro medire diferèntzias e ugualidades intro sa chistione de sa limba e cultura otzitana e limba e cultura sarda.

In Itàlia s'otzitanu est faeddadu in unas cantas baddes de sa provìntzia de Cuneo in Piemonte. S'iscoberta de s'identidade otzitanas, pro custas gentes, est istada reghente de aberu. Pagos annos como issos no ischiant de faeddare bariedades de sa limba otzitana, ma unu "patois" o dialetu sena giudu e balore. Dae sos Annos Sessanta a oe, sa cuscèntzia de apartènnere a una minoria linguìstica est crèschida fintzas a balangiare tretu in sa polìtica e in sa cultura. Su Espaci Occitan est unu tzentru multimediale de promotzione pro sa limba otzitana e est istadu fatu una deghina de annos como pro more de s'interessamentu de Nico Vassallo, chi fiat presente in S'Alighera a unu dibàtitu, chi nos at sinnaladu fintzas custu libru. 
Sa limba otzitana est una de sas limbas romanzas de s'Europa prus antigas. In s'Edade de Mesu fiat mentovada cun su nòmene de "lingua d'oc" e fiat faeddada in totu sa Frantza de Josso. Famados fiant sos "trobadors", sos poetas chi giraiant de tretu in tretu ispainende sa limba de s'Oc dae s'Itàlia, a sa Frantza, a sa Catàlunia. Sunt issos chi ant fatu naschire sa poesia moderna europea... 
... Pro custu, sa limba de Oc est in sas raighinas de totu sos europeos, fintzas in sas nostras... 

...limbas de minorias, inùtiles a sa cultura "arta" e aoradas in su "ghetto" naraiat cuddu catedràticu... 


pc