Salude a 'os amicos de Sòtziulimbasarda, su Sociu "Roberto Mulas" de Orthullè comùnicat ca sàbadu, su 12 de Austu, in Orthullè s'at a jocae sa 'e noe editzione de su Campionau sardu de sa murra, inue pican parte (in generale) 64 coppias dae totu sa Sardinna, kin un pùbricu de casi 2500 personas. Su Campionau at a cumenciare a pustis de sa 'e batero editzione de s'Atòbiu internatzionale de 'os murradores de su Mediterraneu, unu atòbiu ki biet picae parte jocadores de murra ki benint dae totu 'os pòpulos de s'area su Mediterraneu. Ocannu an a picae parte jocadores de Corsica, Friuli, Emila Romagna, Marche e forsis Trentino e Piemonte. S'Atòbiu at a cumenciare a ora 'e as 5:30 de merie, a pustis su Campionau sardu. A ora 'e as 9:00 de merie c'at a essere sa kena manna cun totu 'os jocadores e amicos.


Bos irbettamus totu in Orthullè!
A nos menjus bidere!
______________________________________
Sociu curturale "Roberto Mulas"
Urzulei