Sa Sardigna, lu ischint totus pruite nos che lu ammentant donzi die, est in crisi.
Ma in crisi manna. Cun s’ultima finantziaria su governu ghiadu dae Soru no at potidu fare a mancu de truncare totu su bilanciu de sa Regione. Nos ant ispiegadu chi totus deviamus faghere rinuntzias pro coberrere su dèpidu pùbblicu. E sa cultura? Cussa deviat essere sa cosa pius pagu importante!! B’at zente chi no at tribagliu, b’at s’industria de sanare, b’ant s’agricoltura e sa pastoritzia chi si che sunt morende, ite cultura e cultura, in cussa si segat totu!
Ma, cosa ispantosa meda, abbaidende a totu cussu chi est sutzessu in custa istagione d’istiu, amus potidu lezere donzi die de festival e manifestatziones de jazz, de poesia, de iscritores, de “reading in piatta” e medas ateras cosas! Ite miracolu!!! Pruite, totu custu, at a essere icostadu meda a sas cascias de sa Regione e de sos sardos!
Perlas de su Tirreno, Cabudanne de poesia, jazz in Berchidda, Jazz in s’alighera, Rocce rosse jazz, Sant’Anna Arresi Jazz, e meda meda ateru!!!
Chentinas e chentinas de euros bennidos dae inue, si no bi fit nudda pro sa cultura??!! E meda pubblicidade in televisiones, radio, giornales, ite meraviza!! Ma su dinare dae inue est giompidu?
Eeeeh.. POR, pro azudare sas regiones poveriteddas de s’Europa, pretzisu pretzisu pro agiudare sos musicantes de su jazz cun istrutturas gai manna de gastare a su mancu 20 miliones de euro.
E totu s’ateru? Mamma Regione no s’irmentiga de acuntentare s’anima de chie faghet poesia (in italianu pius che totu), e tando lestru lestru, poi de sa prima editzione de s’annu passadu gastada sempere dae issa, mama Regione, in tempu de record, mi, comente t’aparitzo sa segunda editzione de su festival de Gavoi!! Chie b’at? Sos pagos elettos.
Mi paret chi ant organizadu puru calchi atera cosa…o fortzis totas? T’aparitzo unu cunvignu in Gavoi a subra de sa tradutzione? Emmo, ma in italianu ebbia, e cun espertos italianos, est naturale. Pruite, esistet calincunu chi faghet tradutziones in sardu? Macchè…cussos non contant nudda, strubbant!! Ma calincunu, apo intesu at chircadu unu, ite si narat.. Salvatore Ruiu, at traduidu solu sa Bibbia, ite cheres chi siat, e poi sos giornale si nd’abizant candu est Ciampi chi pro calchi atera Natzione chircat una bibbia in sardu! E chie l’ischiat chi isistiat una bibbia in sardu!
E in cantas manifestatziones amus intesu su numene de su “fenomenale” P. Fresu? Bravu, deabberu, ma propriu in totue comente su pedrusemene, o quasi!!
Cosa chi contant aparitzada da atera lobbies? Nudda. Dinare non bi nd’at! (pro sos ateros)
E sì, Ppriat una barzelletta, aberias su giornale, pazina de sa cultura e/o ispetàculu e ite bi fit?
Jazz (d’obbligo), iscritores (sos solitos) e donzi tantu, calchi ispratzinamentu de sardidade, ma de cussa chi no faghet male a nisciunu! Cosas popolares….
Ma su mamentu su pius “emotzionante” l’amus apidu in su mesu de s’ istiu! Infatis amus apidu puru sa “performans” de politicos meda in difesa de sa limba sarda! O de su cinema ?
Emmo!! ant nadu fiant totu ispantados de sa discriminatzione de sa limba sarda chi fit fattende su Ministeriu Italianu !!! Mammamia!!!
E tando, pro fagher bidere a sos sardos chi sa Regione faghiat calchi cosa pro difendere, afortigare e tutelare sa limba sua, at pubblicizadu sos finantziamentos (si gai si podent giamare) pro sa limba in radio, televisione e internet! Gratzie meda, malu meu però, non si sunt abizados chi bi mancaiat s’ottanta pro chentu de cussu finantziadu s’annu passadu! Comente a narrere: arrangiadebos! Antzis tancades totu!
Ma non fit s’Istadu italianu e essere ”discriminante” pro sa limba sarda?
Chentinas de miza dde euros pro faghere ispetaculos chi muntenent sa conca de sos sardos impignada e non faghent bidere ite est sutzedende a sa cultura nostra chi at a cherrere immanniare, cun sa modernidade finas, ma chi no podet, pruite pro issa dinare non bi n’at, s’italianu est sempere su pius forte, e chie cumandat, s’universidade e sos omines de cultura, impitant cussu! Ello su sardu!!
