Su "lehendakari" de s'Euscadi, Juan José Ibarretxe, at giau nuntza de s'idea sua de abérrere luego unu fùrriu "discretu" de atòbios cun totu is partidos polìticos, e fintzas cun Batasuna, sa formatzione chi Aznar iat postu fora de lege. Punna de custa atividade noa de su presidente bascu est cussa de lòmpere a sa pacificatzione e normalizatzione de sa vida polìtica in is Paisos Bascos. In prus at arrepitiu ca, a intro de custa legisladura at a cunvocare unu referendum po cunfirmare o denegare su chi nd'at a bessire a fora de su cunsultu de custa "mesa" de partidos polìticos. Ibarretxe at nau ca sa paghe in Ispannia e in Euscadi est possibbile e ca totu sa polìtica sua andant in sa diretzione de agatare una formula de cunviventzia "amabile" de sos pòpulos de Ispannia. Su "lehendakari" at a andare luego a Madrid po atobiare a Zapatero, presidente de s'Ispannia. Chida passada Batasuna at prenu sas carrellas de Bilbao cun d'una manifestatzione de chenscias po s'emarginatzione polìtica a sa cale dd'iat cundenada Aznar.
