|
28/09/2004 Repubblica de su 27/09/2004 Vocabolariu Venetu-Rumenu Las mutint "badanti", sunt sas feminas de s'est europeu chi benint in Italia pro donare atentu e fagher sas gherzas a sas pessones betzas. Mescamente dae Romania benint, una terra chi cun sas limbas romanzas tenet meda a cumone e duncas finas cun sa "Lengoa Veneta": allegas comente "vin" "bala" e "baston". Ma si su betzu de Colognola ai Colli dimandat de li cambiare "el panolòn" tando comintzant sas peleas. Ca cando non si cumprendent sas allegas podet capitare de totu. Est pro custu chi est naschidu su primu vocaolariu Venetu-Rumenu, e a s'imbresse, pro sas feminas rumenas e moldavas chi in Venetu sunt comomai 40miza e pompiant su matessi tantu de betzos chene si cumprendere, bidu chi su 63% de issos chistionat solu sa Lengoa Veneta e solu su 16% narat de connoscher vene sa Limba Italiana, chi, comente narat su comicu venetu Lino Toffolo, benit bida comente sa prima limba istranza. Pro custu s'est fau su vocabolariu de 250 pazinas e 8miza allegas cun tantu de inditos de grafia veneta. Chie l'at fatu est ammaniande finas sos vocabolarios venetu-polaccu e venetu-russu. Totu custu pro fagher integrare menzus sas istranzas chi su bonu de sas bortas si cojuant in sa regione. |