|
08/09/2004 Parres/ S'istatutu ispeciale e sa naztione sarda Cun sa "carta ispeciale" nos cheriant ammasedare... de Angelo Lucio Porcu Caru Peppe Corongiu, fio lezzinde s'articolu tuu a su de sa Carta de s'autonomia regionale ki tue as cuminzau diasi "Ma nois sardos seus ispeciales o ordinàrios?"Si ti potzo narre su ki pentzo deo a su e custa chistione es ki tue isbaglias de su cuminzu cando naras ki sa carta ispetziale si da anta zada puitte teniamos unu particolare isvantagiu sotziu-econocomicu... Si tue ti ammentas o du as istudiau bene, in cussu tempu due fianta boghes meda ki aboghinaianta a s'indipendetzia, in Sardinia comente in sa Sicilia e in ateru logu puru... Suntis istados sos sardistas de su tempu (Lussu, etc.) a narre ka no fiada una cosa bona e a "s'accuntentare" de custa frassa autonomia. Oe nde bidimos sos resurtaods. Tue naras ki ke cheres leare s'Ispagna comente esempiu, ma in cue s'istadu, a pustis de Franco, a deppiu zare autonomia a sos populos (Catalanos, Bascos, etc.) puitte ca sos partidos anta gherrau e si funtis postos a conca arta in sa mesa e s'istadu.... Innoghe semus partios ka s'Italia si depiada azzudare ka fiamos debiles... E nos anta frigau muru muru.... Si anta nau ka teniamos bisonzu de "s'isviluppo" e si anta arregallau Otzana, Portu Turre e atteros pegos de cussa manera... Tottu cundiu cun Teulada, Capo Frasca, La Maddalena e Quirra. Eja maladias e malannos ja nde amos isviluppau meda... Arrespeto s'idea tua ma ti cumbido a biere ki cuss'istoria de s'isviluppu fiada su frenu pro no pode ammasedare cun su foette. Salude Lutzianu |