|
10/09/2004 Polėtica regionale e limbistica Regione:nominas e incarrigos Sighint a si nche cumpletare sos rangos de sos assessorados in sa Regione. Mentres Nicola Scano, redatore capu de Videolina, est bessidu a faghere su capu de gabinetu de Renatu Soru, b'at novidades in s'assessoradu de sa Publica Istrutzione puru. Pro azudare a s'assessora Elisabetta Pilia ant muttidu un'iscuadra de operadores culturales. Comente a capu de gabinetu Brunu Paba, crėticu cinematograficu e televisivu, in sa cadrea de consuente ufitziale Giuliana Altea (giai candidada a fagher s'assessora ma rinunciatāria) e comente cunventzionadu consizeri pro sa polėtica culturale a s'iscritore de Uta Flāviu Soriga. Su capu de s'ufitziu de s'imprenta de Soru est su sedilesu Umbertu Cocco (La Nuova Sardegna) giai autore cun Zampa Marras de "Una moda fuorilegge", e como diretore de "Le monde diplomatique" in limba sarda, mentres adetu imprenta de s'assessora Nerina Diridin est su gionalista professionista Vito Biolchini, fundadore de Godotnews, autore de treatu e intelletuale de ispessore. Galu peruna comunicatzione ufitziale in meritu a sa polėtica limbistica chi at a leare s'assesoradu ghiadu dae sa Pilia. Su chi si timet est chi sos taglios a su bilanciu prevedidos in s'assestamentu podant fčrrere propiu a sa leze 26 pro sa limba. Su Sotziu Limba Sarda at fatu ischire chi at a chircare de atobiare sas autoridades noas pro ischire cale sunt sos indiritzos de s'assessoradu in argumentu de limba. |