|
13/09/2004 Su primu documentu ufitziale in LdM "Giogos" de Mesania Est naschiu su primu documentu ufitziale chi si podet atribbuire a sa "Limba de Mesania". Sa Consulta Intercomunale po sa cultura e limba de sos sardos "Sa Perda 'e Iddoca" at iscritu in custa variedade de sardu su bandu de su cuncursu "Giogos", abertu a iscolas, sotzios e citadinos singulos o in sotziedade de sas biddas de Asuni, Atzara, Ląconi, Meana Sardu, Ruinas, Samugheo, Sņrgono, Biddanoa 'e Tulu, Bidda 'e Sant'Antoni, totus in lącana de sas provincias de Nłgoro e Aristanis. Sa limba isseberada dd'ant manigiada a intro de sos espertos de sa Consulta po nde fąere unu modellu pretzisu po sos citadinos chi ddu depiant lčgere. Sunt partios de sa variedade de Neoneli, chircando de pņnnere foeddos cumprendios in totu sas biddas. A su cuncursu si participat presentando unu o prus gioghitos fatos a manu (setzione a), o un'iscritu in limba sarda de calesisiat variedade chi descriat unu gioghitu (setzione b). Sos premios ant a čssere in dinare. Sa Consulta de sas biddas chi acusentint a su cunsortziu Sa Perda 'e Iddoca si fut fata notare in sos annos passados pro su premiu literariu "Ilienses". Po s'informare mengius telefonare a su presidente Fausto Fulghesu 0782867013, o iscriere a custa mail iddoca@tiscali.it. Su bandu iscadit su 30.10.2004. |