Cun s’incomintzu de sas campagnas noas de « proas militare de mesu mundu » in Teulada e cun sa notiscia de irmaniamentu de sa base NATO nucleare de Santu Istevene, in Sa Maddalena, sunt torradas de atualidade in Sardigna sas chistiones de sas "tzerachias militares e de sos polěgonos" in sa regione nostra.
Nudda est mudadu in custos annos. A sas promissas non sunt sighidos sos fatos.
Cun sas mantessi ideas e brullas sos politicos de su governu italianu, e sardu puru, sighint a nos nŕrrere faulas.
B’at de si dimandare - ite faghent sos polěticos nostros pro deféndere sa terra e su pňpulu issoro?
Nudda! O faghent parte de sos mantessi partidos italianistas, o istant mudos o non s’intendent pro nudda comente su partidu sardu d’atzione (ma cale atzione poi..).
Totu mudos. Antzis, calincunu apassionadu de "giogos de gherra", si tramudat cun bestires de militare e faghet parte de sas esercitatziones puru ! Emmo, pruite narat – "sono entrato in un mondo che mi affascina, rispettoso dei padroni di casa" ( Giorgio Pellegrini assessore a su comune de Cagliari, pro sa "cultura” - de sos tzeracos naro deo-).
E tando sa classe politica sarda sighit gai, in su muděmine pius mannu e assolutu.
Sa ‘oghe - a sa sola - chi s’intendet paret propriu cussa de su Guvernadore. Soru paret isoladu, isse ebbia, chircat de cuntrastare sos Ministros de su Guvernu italianu chi sunt, una olta su suttasegretariu a sa difesa Cicu (sardu?), un’atera olta su ministru de sos internos Pisanu (sardu?), e ateras oltas su Ministru de s’ambiente e goi e gai si sighet a faeddare, ma nudda at a mudare.
Sos sardos, sa populascione, intames, sighit a drommire, e non s’abizat chi una terra bella, rica de istoria, de archeolozia, de natura divescia e chi non s’agatat in perunu logu de su mundu, si nche est molzende.
S’at a pňdere narrere a su Guvernadore Soru chi una boghe ebbia nudda faghet cuntra a politicos e Istados potentes de su mundu. Una o pagas boghes de lamentu mai s'ant a intendere inue si detzident sos giogos de su mundu.
Est netzessariu unu coro. A tenore magari, unu coro de tota sa zente sarda, totus impari pro pedire e otennere su chi nos ispetat. Pius libbertade pro sa terra e su poňpulu nostru. Ma pro faghere custu non bastant sos partidos politicos traditzionales, cussos sunt movidos dae s’ideologia chi gighet podere ebbia, cussos sunt movidos dae s’interesse de sas segreterias de Roma. Pro faghere pesare sa boghe de sos sardos at a servire sa cultura. Una cultura nostra. Seria, natzionalista, chi pessat a su menzus pro sa Sardigna e sos sardos, non a cussos chi benint a cumandare dae fora.
Servit un’iscola chi fatat connoschere giai a sos pitzinnos minore s’istoria, sa limba, e sa bellesa de sa Sardigna. Bisonzat de faghere inietziones de aficu a sos sardos chi parent sempere chena ispera pro su tempus bennidore. Bisonzat de aere un’Universidade pius zusta pro chie meritat e non chi trabagliat sempere pro sas lobbies suas chena lassare logu a fortzas novas. Bisonzat che sos giovanos chi ant istudiadu potant seberare de istare in Sardigna e non de essere sempere custrintos a movere o istare a fora a pustis de sos istudios de ispecializzazione.
A ite servet unu tassu de zente istudiada pius altu si poi sos laureados sunt costrintos a emigrare. Est un’investimentu a perdere pro sa Sardigna ebbia. Preparamus iscientziados pro ateras universidades o pro ateros logos de su mundu?
Totu custu pro finire unu pessamentu chi gighet a su puntu dae inue si fit incumintzadu. Non nos meravizamus cando in Sardigna sighint a arrivire militares chi iscarrigant armas a “s’uranio impoverito”.
Sa culpa est de de sa non-culura fata finas a como!
