Novas bonas po is minorias limbìsticas chi s'agatant in s'istadu italianu? Segundu sa revista telemàtica Eurolang, Claudio Petruccioli, su presidente nou de sa RAI, at giau nuntza de s'idea de ismanniare s'amparu de id deretos de sas 12 comunidades chi foeddant una limba e minoria istòrica diferente de s'italianu. Pagas chidas a pustis de sa nòmina sua, Petruccioli at atobiau su parlamentare friulanu de su centrumanca Arnaldo Baracetti in rapresentàntzia de su comitau 482, una organizatzione chi pinnigat a pare Islovenos, Friulanos, foeddadores de tedescu e àteras istitutziones ativas in Friuli Venezia Giulia. Su Comitau at denuntziau su pagu o nudda aficu de sa RAI po is minorias limbistìcas chi non siat su tedescu in Alto Adige. Petruccioli at promìtiu ca po sa firma de su imbeniente cuntratu de serbitziu de s'ente radiutelevisivu istatale s'ant a pònnere in contu de prus sas minorias limbistìcas istoricas. Carli Pup, boghe de su Comitatu 482 at cummentau ca ant a controllare totu. Promissas eletorales? E su sardu? No nde foeddat mai nemos...
