Sa Camera italiana at voatu calchi die a como sa riforma de sa costitutzione Italiana tzirriada "Devolution" cun 317 emmo e 234 nono. Como s’iter depet sighire in su Senato.
Ite cambiat pro sa Sardinia ? Abituaos comente semus a pigare modas politicas economicas e sotziales de fora non nde faedhamus meda. Unu pagu de vittimismu post-sardista in paris cun s’ignorantzia politica de sos partidos unionistas (de Rif. Com fintzas a AN) faet su restu.
Como ponimos puru chi custa reforma siet posta in pes in su 2011 comente narat su testu, ite cambiat a sos sardos ?
Nudha pro a mime.
S’italia est e abbarat unu istadu centralista cun dh’una essida de buonismu d’ognia tantu de cussas a sa “volemose bene”. E como sigomente in su cabu ‘e susu (Italianu) sa Legha Nord pro s’indipendentzia de sa Padania si est posta in conca de cherrer mantenner su dinari in cue, nois si pigamos cus’attera refomara chentza ‘e cumprender puitte.
Tandho podet sutzder chi totu cudhu chi benzat iscritu in sa carta de s’autonomia, su chi cherent reformare como, siat paperarzu. Ca si non est “costituzionale” in su 2011 at a orruer. Comente bidimos sa navigatzione est “a prammos”.
Si Soru est unu reformista beru depet cumintzare a pentzare chi su chi depet cambiare in Sardinia est sa forma de governu, ma de prus ancora si depeus frimmare, abbaidare in cara e preguntare inue cherimos arribbare. Su mundu no est prus dividiu in occidente e oriente, cosa chi a nois nos poniat comente porta-aerei mediterranea. Como podimos e depimos seberare si istare a sutta de Umberto Bossi o cumitzare a detzidere. Nois sa forma e sos rapportos de importu a intro de Natzione Sarda.
Cudha die podimos faedhare de federalismu, chentza e preguntare nudha a Bossi.
Ma ite at a cambiare pro sa Sardinia cun sa reforma costitutzionale chi suntis fainde in custas dies in Italia ? Lezzinde sos articuols chi ant a furriare sa Repubrica Italiana in d’una Repubrica Federale a metade. A metade puitte su dh’ue at a esser unu Senato Federale in paris cun d’una Camera. E a metade puitte paret chi una reforma diasi d’at crefia sa metada, su cabu e susu de s’Italia. Pro sas miniorias linguisticas s’articulu 131 cambiat in :
All'articolo 131 della Costituzione, le parole: "Valle d'Aosta" e "Trentino-Alto Adige" sono sostituite, rispettivamente, dalle seguenti: "Valle d'Aosta/Vallèe d'Aoste" e: "Trentino-Alto Adige/Südtirol".
Sa Sardinia abbarat “Sardegna” in Italianu.
Pois dhu est s’articulu 127 coma 2:
"Il Governo, qualora ritenga che una legge regionale o parte di essa pregiudichi l'interesse nazionale della Repubblica, entro quindici giorni dalla sua pubblicazione invita la Regione a rimuovere le disposizioni pregiudizievoli. Qualora entro i successivi quindici giorni il Consiglio regionale non rimuova la causa del pregiudizio, il Governo, entro gli ulteriori quindici giorni, sottopone la questione al Parlamento in seduta comune che, entro gli ulteriori quindici giorni, con deliberazione adottata a maggioranza assoluta dei propri componenti, può annullare la legge o sue disposizioni. Il Presidente della Repubblica, entro i successivi dieci giorni, emana il conseguente decreto di annullamento".
Sa matessi cosa chi est sutzedinde como cun sa leze salva-coste e cun sa chistione de sas bases militares: si s’istadu cheret, ti faghe orruere una leze pro s’interesse suu e meda bortas apimos bistu, chi custu est differente de cudhu de sos sardos.
Su chi at a cambiare suntis sas competenztias esclusivas de sas regiones chi suntis:
a) assistenza e organizzazione sanitaria;
b) organizzazione scolastica, gestione degli istituti scolastici e di formazione, salva l'autonomia delle istituzioni scolastiche;
c) definizione della parte dei programmi scolastici e formativi di interesse specifico della Regione;
d) polizia amministrativa regionale e locale;
e) ogni altra materia non espressamente riservata alla legislazione dello Stato".
Su chi cambiat de sa betza costitutzione est su chi est connottu comente federalismo fiscale. Ma s’unica cosa chi si cumprendet est chi sas tassas cumplessivas non depent pigare. A chie depimos pagare custas tassas, a sa regione a su comunu o a sa provincia o ancora a s’istadu non si cumprendet. S’unica cosa chi si cumprendet e chi a sos sardos non di at a cambiare nudha.
