<Sas peleas dolentes de su Parcu de su Gennargentu, rapresentadas dae unu de sos peus balletos postu in iscena dae sos partidos italianos, est in realidade una chistione de soberania de su pòpulu sardu in Sardigna>. Dd'afirmat Giacomo Sanna de su Psd'az. <Po su Gennargentu, e po totus is parcos falaos dae s'artu chentze su cunsensu de sas comunidades chi cun naturalesa e dae s'antigòriu bivent e rispetant cussos giassos naturales, seus adenanti a una noa e fraitza forma de colonizatzione contras a sa cale su Partidu Sardu no at abbarrare abbabbalucau - sighit Sanna, chi biet unu "cunflitu intre chie at impostu sos vinculos e chie narat chi ddos cheret deburrare, chentze peroe ddu fàere de abberu. Imperistantu, est sèmpere prus artu s'arriscu de revortas e de gherras sotziales noas in sas zonas internas". Seus séguros - cungiat s'interventu su secretàriu natzionale de su partidu sardu - chi, acabbada sa batalla eletorale, chie at fatu su parcu, e chie narat chi ddu cheret deburrare, ant a isparéssere in su Nudda. A sos sardos ant a abbarrare, comente e sémpere, sas prommissas>. Farsas.".
