In 'iscola materna brétone de Merville de Lorient (Francia) babbos e mammas de is iscolanos lutant po garantire a is pipios letziones bilimbas francu-bretones. Sas autoridades iscolàsticas ant peroe fatu ischire chi, po problemas finantziàrios, non si podet gastare nudda po garantire su deretu de sas familias de oténnere un'annestru po sos figios in limba de minoria. <Aus a dépere isetare s'annu chi enit?> -ant iscritu babbos e mammas de 20 dischentes- in su situ de chescia chi ant criau custas chidas coladas. Dae su 19 de Cabudanni 769 persones ant firmau sa "petitzione in linia" cun sa cale si protestat contras a Gilles de Robien, ministru francesu de s'Educatzione Natzionale po custu impleu dannargiu e contras de sos principios minimos europeos de amparu de is limbas de minoria. Tue puru chi leges podes agiudare sa batalla de custa pitica comunidade bretone: collegadi a su giassu htp://merville.maternelle.free.fr/rubrique.php3?id_rubrique=22 e imbia una lìtera eletrònica de sustenniu solidale.
