A bias, cando unu est nechidau, sa buca faet bessire a foras pentzos cuaos chi mancu issu forsis pensaiat de ténnere. Gasi est capitau a Gavino Sanna (nàschiu -paret - in Portu Turres), pubblicitàriu famadu e connotu in totu s'Italia. A pustis de àere fatu sa campagna eletorale cun Renato Soru e su logo nou turistìcu de sa Regione (chi no est agradau a nemos e fut fintzas faddiu ténnicamente) s'est ingimiriau a iscrìere unu libru contras a s'ex amigu e cliente. In s'interis, in d'un'intrevista pubblicada dae su "Corriere della Sera" ndi dd'est bessia una frasia non pròpiu bella po is sardos. "E' un popolo di accattoni che si esaltano per concetti quali balentia e sardità. Si masturbano davanti allo specchio e pensano di essersi fatti Sophia Loren". Ite nàrrere? Presumiu e anti-sardu, comente totu sos sardos de una certa estratzione urbana e "dirigentziale". E posca ofensivu po de badas: dd'interessaiat a férrere a Soru e a fertu a totu sos sardos. Birgongia !!!
