|
29/10/2004 A Tatari abboju de importu de no istransire "Leamus in manu sa chistione de sa limba" "Politicas limbisticas pro sas istitutziones in sa Sardinna de oe" est su tìtulu de s'abboju chi unu grustiu de comitados at ammanniadu pro chenabura 29 de Santu Aini a sas battor de borta 'e die in sa sala Angioi de s'amministratzione provintziale de Tatari. Ant a faeddare Gian Paolo Bazzoni(espertu de limbazu tataresu), Peppe Corongiu (ghiadore de su Sotziu Limba Sarda), Paolo Fois (giurista), Vanna Ledda (mastra de sardu), Micheli Pinna (presidente de su "Bellieni"), Carlo Sechi (espertu de saligheresu). At a contivizare s'arrejonada Maria Antonietta Dettori. Aparitzadores de s'aboju sunt sos sotzios Comitau abbia a unu sardu comunu, Istitutu de istudios e chircas "Cammilo Bellieni", Fondazione Sardinia, Sotziu Limba Sarda, Sotziu Jan Palach. S'initziativa est acropada a sa chi s'est fata pagas dies como in Casteddu e cheret torrare a leare in manos sas chistiones de sa polìtica limbistica pro las tènnere sempere in contu e las ammentare a sos polìticos chi si nche las ismentigant. |