Unu not''e acab' istadi in su 1997 fiat . In Londras femu deu. Traballamu in-d unu Ristoranti cun jazz club ki deu faemu s’ňmini ‘e su bar. Mi d’arregordu beni. Beni meda. Solitamenti pigamu duus purman po furriai. Cudda noti unu sceti nd’emu pigau. E s’atru tretu ‘i arruga a pei mi du femu fatu.
Femu torrau a s’ostellu ki nci bivemu, in su bixinau ‘e Bayswater, ki fěat tardu giai. Is arrugas fěanta sbuidas. Arrosinendi fiat. Bellu meda, diarerus, su passillai acant’‘e is arrčcias ‘e su parcu. No tenemu sonnu mancu po nudda.
Cumenti ndi femu arribau, a s'aposentu miu, mi femu postu a letu ma, de mi nci crocai, no, nemancu po s’anticŕmera ‘e su ciorbeddu mi passŕt s’‘idea. E pagu gana de contai is brebeis tenemu.
Di aici, sentz’‘e fai casinu meda po no ndi scirai a is atrus duus ki sorroskianta, ndi femu bessiu de sa stanzixedda mia, ndi femu calau a s'aposentu 'e totus e mi femu sčtziu faci a sa tv.
No femu solu. Maya puru nci fěat, ca biviat in s’ostellu issa puru. Sonnu no ndi teniat mank’issa. A sa sčria fěat castiendi is ůrtimu-noas a Sky News.
Indiana fiat Maya. Portŕt is pilus nieddus, lěscius, longus. Is ogus color’‘e castŕngia. Is liniamentus finis, cumprius, deligaus. E candu kistionŕt... – no fait a du spricai a fueddus sa belles’‘e sa boxi sua! –
Ca no fiat su sonu sceti, o sa maner’‘e pronuntziai is parŕulas, o de fueddai. Su movimentu de is lavras fiat, e su sonu de is cordas, s’espressai ‘e sa cara. E su fatu ki, oberrendi e serrendi sa buca, no d’acabŕt mai di arriri.
«Sa Printzipessa est in su spidali ca at tentu un’incidenti in mŕkina!»
«Kini?»
«Sa Printzipessa ‘e su Galles... Diana... Lady Di»
Morta si fěat sa printzipessa. Cudda noti e totu. E in is diis in fatu emu cumprčndiu kini fěat custa Lady Di, ki ndi kistionŕnta sempri in is arrebistas de crŕstulus.
Su noti in fatu emu acumpangiŕu a Maya a betiri unu buketu ‘e froris i a allui una candela po Sa Printzipessa. Deu tenemu sa giorronada lěbera. Una bella passillara emus fatu e leri leri femus arribaus a is giardinus de su palatzu de Kensington.
Ita ěanta biu is ogus mius!
Una cosa di aici no da emu bia mai. – E no d’ap’a biri mai prusu! –
Nanta ki is londinesus funti genti fria, arriservada, unu pagu snob. Gi at’essi di aici puru. Ma po sa morti de Sa Printzipessa emu biu su mundu a s’imbressi. Totu su contrŕriu. Emu biu a unu pňpulu scallentau, comňviu, disprŕxiu, aflitu. Unu pňpulu ki stimŕt a Sa Printzipessa sua.
Unu pňpulu a coru sperrau. Ainnantis de domu sua, in su palatz’‘e Kensington, sa genti ěat betiu muntonis e muntonis de froris, istrinas i arregalus, bambuleddas e pupatzeddus, fotografias, billetus, poesias, strisciňnis.
Genti de donnya spčtzia e de donnya color''e peddi. Bčcius, mannus, pipius. Cosa de no crei. I a de noti, una distesa illacanada de candelas, mariposas, luminus, lucixeddas.
Deu no cumprendemu diarerus. A pagu a pagu, andendi a perallyas in mesu a sa genti, intendemu su fragh’‘e sa cera, su profumu de is froris, s’arremňriu de sa prŕstiga ki su bentu mověat, su prantu de sa genti, is pispěsus de is arresus.
E ligemu is billetus po cumprendi su poita de-i totu custu makiori: «Po ti fai cumpangia», «po ti fai luxi in sa morti», «de is corus nostrus fěasta sa printzipessa», «po sempri as a essi in is pensamentus nostrus», «cunfortu po is malŕdius di aids».
A milionadas nci ndi fěanta.
Cun sa conca faemu fatiga a cumprendi. Ma totu cudda genti trista da cumprendemu cun su coru. Du sentimu. Femu in-d unu paisu istrŕngiu i emu sighiu s’avesu de totus, su sentimentu ‘e su logu m’ěat pigau. Ingresus, indianus, curdus, turcus, arrabus, giudeus.
Maya nc’ěat bogau una candela de sa bussa ki eus allutu. Si seus sčtzius in terra, po meditai e po arresai. Deu mi seu fatu su sinn’‘e sa cruxi e mi seu postu a-d arresai, a sa manera mia. Maya a sa sua. Fueddus in sardu puru funt arribaus a is origas ‘e Deus.
Seus abarraus sčtzius no sciu po cantu. A ciaciarrai.
Maya m’iat contau unu pagu sa vida sua: ki fiat bčnnia de s’India a piciokedda, po mori ‘e su traballu ‘e su babbu; ki bivěat e traballŕt in Londras po andai a s’universidadi, ki studiŕt filosofias e tčnnigas de medtitatzioni orientalis.
E ge si biěat! A kistionai cun issa fiat cument’e a essi tragaus in-d unu mundu afadiau, metavěsigu.
Su scroxu a donnya fueddu pariat ki ndi boghčssit, ca fueddŕt un’ingresu de manera simpli, crara. E is fueddus no si dus papŕt. Ti dus arregalŕt. Ti kistionŕt po ti kistionai, e candu kistionamu deu, issa m’ascurtŕt, mi castiŕt, circŕt de mi ligi is pensamentus, circŕt de mi cumprendi diarerus.
E du faiat sempri, cun in buca un’arrisixeddu ki fiat paris a una smňrfia, a unu stremu lčbiu.
Una grandu gana ‘e da basai m’ěat pigau. No nci da faemu prusu.
Ascurtandu a is fueddus suus, pensamu a Budha sčtziu a sut’‘e una mata i a is monetinas de su I Ching... ma in sa conca mia, ghiau de sa boxi sua, biemu is imŕginis sensualis de is tčmpius...
e pensamu a cuddu pagu ‘e filosofia orientali ki emu studiau deu – ca a nosu no si da impŕranta – bogadas is cosas ki filosňfus ke Schopenauer ěanta pigau de-i cuddas grandu scolas filosňfigas...
E de suncona, mi fiat parsu de intendi a una bocixedda cun-d un’acentu tedescu... una boxi ki narŕt «ey’ey’e... filosňfiga... iat a essi mellus prus figa e prus mancu fělos!!»...
I a un’ňmini pitikeddu biemu, a faci ‘e pari, a pilus arrůbius. Parěat Schopenauer su filňsofu.
No no, issu e totu fěat!!
“Ita catzu nci fait innoi?” mi pensamu deu. E sigumenti d’emu connotu ki fiat issu, d’emu castiau beni e d’emu nau po fai su studiau: «Il velo di Maya!».
Ma issu mi iat kistionau mali e m’iat nau, cun-d una boxi strědula « le mutande di Maya... altro che il velo le devi squarciare... is murandas a můssius di depis bogai... strappare i vestiti a Maya devi... arregordari’ su ki apu nau deu... depis andai oltre l’apparenza.... a Maya glieli devi bogare... la realtŕ sta dietro... ti bollu biri a murandas segaras a buca...»
«Ma per velo di Maya tu intendevi che la realtŕ č una menzonnia e che bisonniava andare oltre col pensiero...»
«Ma scimpru sesi? Su ki apu scritu deu ti ses bufau? La’ ca s’arrealidadi custa esti... atra ndi bis in custu mundu ‘e merda? E poi is cosas funti cambiadas medas... candu femu in vida deu a cumbinai cosa fiat prus difětzili...
e diaici ti ndi cŕlat sa depressioni... duncas, movirindi e squarcia i veli di Maya ki deu a unu tronk’‘e udda cument’e custa no d’emu biu mai... ita ses cumbinendi?...»
«Ma nella Metafisica dell’amore sessuale...» di naramu deu cirkendi de m’arregordai su ki emu studiau a s’Universidadi.
«Nara... ascu’... ma acaghinendi ti sesi? Toca ‘e ti nci movi... tantu scraus seus e iscraus eus a abarrai... sa Bolontadi si movit, si cumŕndat... sa Naturalesa est prus forti de donnya cosa... e no mi seghis is patatas... ghetarinci.... squarcia il velo di Maya, toglile i vestiti, su regi-petu, is murandas... no du bisi ki issa colara ‘e tui esti?...
...Unu disčnniu ti depu fai? Ita ti cretas... Sa Printzipessa d’anti bocia ca stimŕt a un’atru ňmini... s’amori lěberu fait fastědiu... sempri... e iat a essi sempri diaici... e candu femu giňvunu deu, sa matessi cosa fiat... castiadě aingěriu: totu genti ki est innoi po stimai... atra cosa no nc’est in su mundu...»
D’emu donau unu basu. No a Schopenauer, no! A Maya etotu. Issa puru m’iat basau. Seus torraus a s’ostellu a manu tenta. Nc’eus postu duas bortas su tempus ‘e s’andada... E candu seus arribaus, seus andaus in s’aposentu suu...
A is cunsillus de su filňsofu emu sighiu deu, ki si ndi fiat andau arriendi. Ki poi, diaici tantu pessimista, no du depiat essi in su naturali...
