11 ^ CUNCURSU DI PUISIA GADDHURESA E COSSA
“LUNGONI”
Giuseppe MASALA (Presidente)
G.Carlo TUSCERI (Commissario)
Franco FRESI “
Pierre LECA “
Jean Baptiste STROMBONI “
ISCADENZIA LA DI 02 DI LU MESI DI NATALI 2005
Pa infulmazioni chjameti a li nummari: 0789/755527 (Biblioteca) 0789/740944 (Cumuni).
saldi e cossi si contani frateddhi
pa lingagghju, custumanzi e sintimenti,
li dui isuli si chjamani sureddhi
basgiati da lu mari e da li ‘enti
la puisia no ha laccani o chjusuri
e faeddha a lu cori di la ‘jenti,
in Lungoni femuci l’auguri
di mantinecci sempri sumiddhenti.
(Petru)
BANDIU 2005
1. Lu Cumuni bandia un cuncursu di puisia scritta d’algumentu libbaru, nummatu “Lungoni”, riselvatu a li puetti chi cumponini silvendisi di lu lingagghju gaddhuresu e di chiddhu di la Còssica d’ignò in tutti li varietai;
2. ci so dui sizioni: una pa l’opari in gaddhuresu e l’alta pa chiddhi in còssu. Pa dugnuna di li dui sizioni è priista una paltizipazioni a banda pa li cioani da li 12 a li 18 anni, chi lu déini dichiarà pa iscrittu candu prisentani li puisii. Ca non lu faci paltizipigghja a li sizioni prinzipali. Li puisii poni esse in rima o no;
3. l’opari prisintati fèlmani di proppietai di l’olganizzazioni, chi sinni po' silvì comu meddhu credi fendi ancora cambiamenti illu scrittu e senza nuddha duè a li puetti;
4. dugna puetta po' paltizipà solu cu una puisia, chi no dei suparà li quaranta righi e no dei èsse stata primiata in alti cuncursi;
5. dugna puisia, scritta a macchina in modu chjaru e in una sola coppia, dèi èsse filmata e dèi aè lu ‘ndirizzu e lu nummaru di lu tileffunu di lu puetta;
6. l’opari dèini esse spiduti entru la di 2 di lu mesi di Natali a: CONCORSO POESIA “LUNGONI” Comune di S. Teresa Gallura (SS). Li puetti còssi poni spidì ancora pa fax a lu nummaru 0789/754794/740915/755527; pa infulmazioni chjameti a li nummari 0789\740944 - 741317, e-mail: santateresagallura@tiscali.it, www.comune.santateresagallura.ss.it;
7. li dizzisioni di la ‘juria no si discuttini;
8. pa dugnuna di li dui sizioni so priisti un primu premiu di 517.00 Euro, un sigundu di 260.00 Euro, un telzu e un qualtu in ugghjetti. Pa dugnuna di li sizioni di li cioani so priisti un primu premiu di 150 Euro, e un sigundu e un telzu premiu in ugghjetti. La ‘juria é libbara d’assignà ancora alti premi, siddhu vi so opari chi mirétani;
9. un premiu “Lu Cumuni di Lungoni” e un premiu “Gianni Filigheddu” in ugghjetti;
10. la zirimonia di primiazioni sarà fatta in Lungoni la dì 10 di lu mesi di Natali 2005 a li 4 di sirintina a lu Poltu, Sala Convegni Centro Servizi Taphros .
