Podimus dare unu giuditziu positivu de s 'abboju chi s'est fatu in Tatari chenabura coladu. Sala bastante prena,
arresonu fundudu, partipatzione forte de su pùbblicu. E in prus duos sotzios de sa cussorza tataresa si nche
sunt acurtziados a su comitau "Paris po si sardu" chi diat dèvere manizare propostas pro sa polìtica limbì
stica regionale. E gasi su sotziu "Thatari" e su sotziu "A manu tenta" de Portu Turre ant cumintzau a allegare cun
nois e paris amus a fraigare calchi cosa de bonu. "Politicas limbisticas pro sas istitutziones in sa Sardinna de oe" fit su tìtulu de s'abboju chi unu grustiu de comitados aiat ammanniadu pro chenabura 29 de Santu Aini a sas battor de borta 'e die in sa sala Angioi de s'amministratzione provintziale de Tatari. Ant faeddadu Peppe Corongiu (ghiadore de su Sotziu Limba Sarda), Paolo Fois (giurista), Vanna Ledda (mastra de sardu), Micheli Pinna (presidente de su "Bellieni"), At contivizadu s'arrejonada Maria Antonietta Dettori. Aparitzadores de s'aboju sunt istados sos sotzios Comitau abbia a unu sardu comunu, Istitutu de istudios e chircas "Cammilo Bellieni", Fondazione Sardinia, Sotziu Limba Sarda, Sotziu Jan Palach. S'est faeddadu finas de Limba de Mesania e Limba Sarda Unificada, cun calchi critica, posca fo bona sorte rientrada.
