"Pro sa limba si faghet pagu" Custu est su sentidu cumone chi essit a campu dae sa prima cumproa fata dae Diariu Limba. A sa cumproa fata s'otto de Santu Gaini, in pagu prus de unu mese ant partecipadu 168 pessones chi ant respostu a sa pregunta "Segunde bois, cantu s'est faghende pro afortigare sa limba sarda?"
S'80,36% de sos votantes a respostu "Pagu", una resposta chi non lassat dudas supra sa bisione de sos chi sighint Diariu Limba a pitzu de custa chistione de importu.
A afortigare custu sentidu b'at finas unu 16,37% chi adderetura at respostu "Non s'est faghende nudda"
Pagos imbetzes sos ottimistas cun solu unu 2,98% chi at respostu "Bastante"
A sos ateros sceberos"Meda", "No isco", "Non mi nde affutit" nemos at dau resposta.
Pro legher su graficu de sos resultados est bastante craccare in "Archiviu resultados" in sa pazina de sa cumproa nova.
