Est un'istragu mannu custa idea maniątica chi at pigau a totus de festare in logu nostru
Halloween, una festa americana po sos americanos. In Sardigna puru, inue ddue iat traditziones seculares po is mortos, paret chi ddis at pigau su furigheddu de copiare is de Boston, de Philadelfia o de su Nord Dakota. Ma poite ? Ma non teneus noso su " Prugadoriu ", o " Is animeddas ", o su " Mortu mortu "? E si calencuna bidda dd'at ismentigau no est mengius a torrare a cussu prus de faghere erriere su mundu copiando sas traditziones de sos ąteros? Ma ite ant pessare sos istranzos de noso? Ca difendeus s'identidade?
Ite bisongiu ddu at de si nche mascarare de ąteros chi non seus noso, e antzis faghere coragiu a sos pitzinos po pintare corcorigas a sa moda de sos Istados Unidos? Sunt is mastras etotu in is iscolas, is giornales, sa televisione chi ddos incoragiat po istčrrere unu paru de Globalizatzione chi isfartet giai de minores sa mente de sos pipios po ddis faghere ismentigare figios de chie sunt e inue bivent?
Ma totu cuddos difensores de sa cultura italiana e europea chi si nche istantargiant iscandulados a boghes contras a sa cultura sarda, poite non narant nudda? Poite abbarrant mudos? No ddu ident chi custos fatos nudda ąteru faghent si non agualate sa cultura europea, italiana e sarda a cudda de su mere americanu?
E sos natzionalistas italianos? E sa Cresia, chi est sčmpere atenta a totu sos cunservatorismos prus serrados, non cumprendet ca custa manera de manigiare sa chistione de sa morte no deghet a noso e sa religiosidade nostra e at criare sčmpere prus "relativismu"?
Sos mannos nostros ant isvilupau una mentalidade totu nostra de su cultu de sos mortos chi est simple, pņbera, "mesta", fitiana de dogni die e chi non prevedit sa mascara, sa festa, e nemancu cussu chi si narat "il grottesco". Poite? Poite noso aus tentu una istņria diferente de cussa de sos americanos ( e de sos celticos europeos de ube dd'ant leada) e aus bogau a craru un'ątera manera de nos pņnnere in cunfromma a sa vida e sa morte, sos temas prus de importu de s'esistentzia. Rispetaus su de is ąteros, ma chereus mantčnnere su nostru.
Sa mascara po noso no est ligada a sa morte, antzis noso teneus medas mąscaras serias poite mustrant una realidade de trņcida. Una rapresentatzione de vida parallela pantastiga, ma non de morte. Duncas, ite teneus a ite biere cun Halloween chi custringhet a caratzare sos pipios cun bruscias, bruscius e dimonios e ispiritos?
Iaus a dčpere fąghere totus "obietzione de cussentzia" po custa festa chi nos cherent impņnnere po si nde deburrare galu un cantzu de identidade. E meda de nois non si nd'abizant nemancu.
