Fortzis si nde sunt abigiados in pagos, ma nois semus innoghe po cussu. In s'ùrtima finantziaria su presidente de sa Regione Soru at segadu sos fundos de su Teatru Liricu de Casteddu de belle 2 milliones de euros (furint 10 in totu). Sas chenscias de sos dipendentes de su teatru non si sunt fatas isetare ma a cussos ammentamos ca in Sardigna po sa limba sarda non teneus galu unu postu fissu, mentres isso sunt 300 e faghent solu cultura italiana. Ite cherent? Sighire a gastare su dinare nostru cando sunt dipendentes de s'Istadu? Ma chi andent a Roma a remitare e pedire. In su mentres, su Presidente mudu mudu at torrau a pònnere calencunu francu, antzis euro, in sa lege 26. S'articulu 13 est passau de 850 mila euros a 1 millione e 350 mila euros. Est galu pagu. Nudda, fortzis. Ma est unu sinnale, comente medas nde lompent...
