"Fąghere duos istandards cheret nąrrere fraigare duas
limbas"
Chie s'isetaiat unu Peter Koch a favore de s'isfainamentu de su sardu in milli bariedades (o duas ca est su matessi) est abarradu male. Su 9 de martzu in Casteddu po fąghere sa letzione chi teniat a tģtulu "Limba sarda e limbas romanzas a cara a pare. Metodos e técnicas de istłdios e chirca in sas universidades tedescas", su linguista de s'universidade de Tubinga Peter Koch at faeddadu de sa chistione de s'istandardizatzione de sa limba sarda cun cumpetentzia, e finas in sardu. "A preferentzia, po su sardu - at nadu - est mčngius a ténnere unu istandard ebbia. O si prņpiu sa distantzia intre campidanesu e logudoresu bos paret gasi mala a prénere, tando si nde podent fąghere duos. Ma, devides istare atentos, devides tčnnere s'atinu de ite sezis faghende proite a fąghere duos istandards cheret nąrrere a fąghere duas limbas". Prņpiu sa timoria chi tenent in medas in Sardigna, nessi cussos chi ant lčgidu calchi manuale de istoria de sas limbas e sunt po s'unidade de su sardu e de su populu sardu. Difatis, Koch no at tzitadu ne Norvegia, ne Ladinia (comente fąghent sos buchibentos nostranos a istracubaratu), ma s'łnicu esempru de balidesa chi tocat a fąghere: cussu de sa Valencia, regione ispanniola chi faeddat catalanu, ma non reconnoschet s'istandard comunu de sa Catalunya (comente Diariulimba at giai ispricadu calchi chida a como) proite non reconnoschet s'identidade natzionale catalana. In custu sčberu b'est sa polģtica in mesu (proite fąghere duas o medas limbas catalanas est comente a non nde fąghere), gasi comente b'est in Sardigna (proite fąghere duas o medas limbas sardas serbit a frimmare totu). Ma Koch in capas at faeddadu po de badas proite calencunu natzionalista-sardista s'est presentadu a sa mesa de su cunvenniu po "difendi" su campidanesu e sa teoria de su istandard crobau (...unu muntone de affermatziones "polģticas" (?) chene perunu iscumprou iscientificu..). Ma mčngius a lassare perdere sos interventos de pagu calidade po sinnalare ca siat Mariella Marras, dirigente de s'iscola e connoschidora de sos problemas de s'istrutzione, siat dottor Armando Pietrella, diretore de totu sas iscolas sardas, ant criticadu - cun resone - sa Regione po ca in su disinnu de lege a subra de s'istrutzione at "crisadu" sa limba sarda. Meressimentu mannu a Eduardo Blasco Ferrer chi at tentu s'idea de fąghere custu cunvenniu e at ammentadu a totus chi s'idea de una de sas propostas de istandardizatzione in campu, "Sa Limba de Mesania" dd'at fata propiu issu a sos tempos de sa cummissione LSU. Beru. Blasco at criticadu peroe sos operadores de sa limba chi si movent chene metodu seguru (fintzas cando iscrient ditzionarios connotos meda) e at nadu chi s'idea de unu istandard "limbģsticu de mediatzione" est galu bona. At nadu peroe ca est tropu chitzo po lu fąghere proite tocat a connoschere bene sa realtade limbistica sarda. Pro Koch, intames, sa solutzione de unu "istandard de mediatzione" est bona e andat pessighida. Unu intzidu a sa cummissione de sa Limba Sarda Comuna po tancare sos traballos?
