Cāmbiu de ghia in su Sotziu Limba Sarda. Su comitau esecutivu e s'assemblea de su sotziu natzionalitariu si nche sunt riunidos sas dies coladas e ant annoadu su diretivu. A presidente est istadu seberadu, cun duas votatziones segretas in su comitadu e in su diretivu, Peppe Corongiu, sotziu fundadore e giai diretore. Paris cun issu sunt intrados a dirigere Micheli Ladu, Peppe Molinu e Daniela Sanna. Antonello Carai e Roberto Tola, chi furint presidente e cascieri de su diretivu betzu, abbarrant a intro de su sotziu comente sotzios fundativos e cumponentes de su comitadu esecutivu chi est formadu de is chi ant fundadu Sotziu Limba Sarda. A pitzu de sa linia polėtica de SLS no ddue at istadu peroe perunu iscontrōriu: su Sotziu at a sighire in s'atividade sua ponende prus atentu a traballos, progetos e chircas chi non a s'atividade politica rivendicatzionista. In contos de polėtica limbėstica SLS isetat su resurtadu de sa cummissione regionale ortografica cun interessu mannu meda e positivu po s'ipotesi de Limba Sarda Comuna chi, a cantu s'ischit, at a naschire comente unu mogliu abertu a su campidanesu (e fut ora) e comente limba de mediatzione intre sas bariedades. Cussu chi su Sotziu Limba Sarda at sčmpere dimandadu de chimbe annos a como. Chie est interessadu a intrare in su Sotziu, o a regularizare sa positzione sua, podet cuntatare su presidente nou. Su diretivu, po como, at seberadu su Presidente ebbia e at detzididu de non assignare āteras carrigas.
