Unu grupu de giovanos lacunesos at torradu a bogare a campu sa mascara antiga de sa bidda "Su Corongiaiu". Caratza, estimentas de pedde e sonazos ddos ant presentados dominiga colada su 5 de su mese martzu in su ristorante Paradisu de Toṭ Desś in Làconi. Su ṇmene de sa mascara nde benit sae su bighindadu de "Corongiu" in ube unu tempus biviant sos pastores e crabartzos chi s'ocupaiant de fàghere sa mascarada. Fausto Serra e Gianfranco Carboni, autores de sa cherta, ant intervistadu e registradu unu muntones de antzianos de sa 'idda. Peppe Corongiu, at agatadu documentos bibliograficos iscientificos chi atestant e provant s'esistentzia de custu carrisegari assumancu fintzas a su 1930, cun d'una coa in su 1950. Mascaras t́picas furint "Su 'oe", "Su 'omadore", "Is pastores" e "Is brebeis". A sa fine de sa mascarada, gasi comente costaiat puru in sa 'idda de Lula, sos pastores igannaiant sas berbeghes e brentes cun sàmbene beniant imbuidadas in terra e a subra de sa zente. Su śndigu Fausto
Fulghesu at impromissu chi s'amministratzione at a agiudare s'initziativa e at a chircare de ddu fàghere cun totu sa populatzione. De custu s'est arresonadu su 12 martzu in sa trasmissione de Radiolina "Undas Liberas", chi s'intendet cada dominiga a sas oto de manzanu.
