Seu Giuanni Desś de Śsini mancai manchi de bidda de annus meda
e obia a si scriri ca deu seu de acordiu cun sa proposta de Arrenatu Soru po sa limba sarda comuna.
E giai fiat ora.
Mi dd'apu ligia totu e si podit nai ca est unu cumprimissu acetabili tra campidaneus e cabesusesus. Apu intendiu nai ca est totu logudoresu custa
lingua, ma mi paridi una faula manna cantu e a su monti de 'idda. Chini narat custas cosas est unu maccu.
Apu sceberau una frasi t́pica de sa LSC chi appu agattau in Internet :
<Medas sunt is angiones? Trinta. Cando ti ddus pigas?. Immoe no potzo, ddus pigo a mangianu..Si accostas a merie est sa propia cosa”>
No mi parit propiu chi siat logudoresu. Antzis.
Deu seu de sa Trexenta , ma mulleri mia est de Atzara (Mandrolisai) e mi parit chi sa Limba sarda comuna e sa Lingua de Mesania siant sa propia cosa.
Issa est cuntenta meda, ma deu puru poita creu chi fiat ora de dd'acabbai cun custas gherras. Cumplimentus a Mario Puddu e a Pepi Corongiu
ca siguramenti ant bintu custa batalla longa e dificili e a sa fini ant fatu passai is ideas insoru.
Ma cumplimetus a Corraine puru ca at isciu acetai un'acordiu po vantagiu de sa natzioni sarda.
Is chi abarrant a gherrai immoi est genti disisperada feti. Creu chi pentzint prus a s'interessu insoru chi non a sa lingua
chi si depint faint assuntzionis in is officius certu ca is piciocheddus de su Centru de sa Sardegna funt meda prus bravus a chistionai in sardu de cussus
de is biddas acanta de casteddu. E tandusu s'unica possibilidadi chi tenint po si ndi pigai su dinai est de sigh́ a fai barriera cun una lingua o varianti
campidanesa.
Arratza de mentalidadi disonesta !!!!
Nonnu miu fiat sardista e chistionat in campidanesu, ma ddi praxiant sempri is cantadoris logudoresus
