Sos chi nana chi su sardu est partitu in duos chirros sunt contras s'idea matessi de natzione sarda e de limba.
No ant cumpresu nudda de sa Sardinna de sos tempos presentes e ant àere su ustinu de iscumparrere dae s'orizonte de sa poĺtica
limb́stica, canno s'at cossumire su dinare...
Ma cale campidanesu, cale logudoresu? Faveddan de custas duas "astratziones" comente chi siat abberu
duas limbas unitàrias canno b'at chentuchimbanta campidanesos e chentuchimbanta "logudoresos" (si non miza).
E su Baroniesu inumbe lu ponimus? Si su campidanu si fachete sa limba sua (ma ant a èssere de acordu in Sulcis, Arborea, Ozastra e Sartzidanu?)
fintas nois baroniesos la cherimos sa nostra... Ello, e a ite semus, burdos?
E credo chi fintas in Ollolai, Orgosolo, Oliena e Ovodda apant resones de cherrere una limba a contu issoro. Sos cofros de glottide si depen frundire, e sa dopia elle cagliaritana no?
E sos otieresos? Diant dèpere dassare su bellu limbazu issoro pro sa LSC si su Campidanu de Casteddu (inunbe no mi paret, dae sas pacas bias chi bi so annatu, chi si nche bochene sos ocros pro faveddare su sardu, mi) cheret sa limba sua ?
Jeo so de acordu pro sa limba comuna de Soru proite mi paret unu machioriu a nàrrere favulas contande ca in Sardinna
b'at duas limbas. Ma chie l'at natu custu? Cuddos professorones chi mancu l'ischint faveddare?
Ello e proite tando non duas, o batoro o deche?
Mi paret antis chi sa LSC siat finas tropu a s'ala de su campidanu ca cussa frase chi at mentovatu Jubanne Desś no fit tzertu logudoresa.
Antis b'at de riscare puru chi in su Capu de Susu no agradet ca sas cuntzessiones a su de Josso sunt istatas paritzas
e bundantes. Non credo chi si fit colata sa Limba de Mesania gai comente l'aiant proposta, aeret cambiatu cambiatu carchi cosa.
Sos chi fint contra a sa Mesania, como sunt contra a sa LSC proite sunt contras a totu e a totus, no ant s'idea unitària de
sa limba sarda e timent de pèrdere su pagu chi contant in Sardinna. Cheren su sardu a sa comente essit essit, comente cussu de sos cantadores, abastat chi siat iscritu de issos...
Duncas, fit inutile a sighire a imbassare sa linea de sa meridionalizatzione de sa LSC: si perdiat su Susu chene balantzare
nudda de prus in Josso.
Credo chi cussos de Mesania apant resonatu gai ca sunt patriotos sardos beros, proite si aiant postu sa Mesania initziale e non sa finale (LSC)
