|
25/05/2004 Sa genti si ndi scarescit sempri de prus de is regulas de sa limba sarda Le possiamo offrire una "Sebadas"? Teneus gana nosu de trastigiai e afateriai po sa chistioni de sa lingua: a sa genti comuna parit chi ndi dd’importit pagu. Dominada comenti est de is poderis politicus-economicus-mediaticus, sighit s’imparu de is ghiadoris de s’òpinioni pùblica. Su messagiu est craru: su sardu depit abarrai comenti est, iat a essi « ghettizau ». S’arresurtau est simpli simpli: a sa chistioni de su sardu sa genti no nci pentzat. Sempricandu is urgentzias de sa vida funt atras. Ddu est su traballu, su dinai, sa fèmina o s’òmini, is fillus, su spassiu, is viagius, su computer, su tràficu, is istradas, s’incuinamentu, su giogu de sa boccia. E in cantu a linguas... beh... su sardu est bellu, est togu, est sa lingua de s’identidadi nosta, ma s’italianu, là, est cussu chi depis istudiai e chistionai po èssiri tzivili e modosu. Antzis, s’ingresu. E is messagius chi arribant de is medius de comunicatzionis, de sa scola, de s’amministratzioni, de su cumerciu, de sa polìtica funt cussus: sa lingua sarda no est importanti po sa vida de oi. Podit abarrai, si ndi podit chistionai, ma depit abarrai inserrada in su “ghetto”. Sentza cicai de giumpai a foras. Fintzas “l’identità” dda podeus isdoganai, ma faei atentzioni, sentza sa lingua poita, aici nant certus espertus, fintzas in Irlanda sa natzionalidadi fait a mancu de su gaelicu. Lastima ca a unu sondagiu is irlandesus (su 60 po centu) ant arrespustu ca sa natzioni non podit fai de mancu de sa lingua. Inoi custu no s’est ancora cumprendiu. E su pòpulu, sempri de prus, abandonat sa lingua nosta po sighiri cussu chi ddi proponit sa scola, sa televisioni, s’amministratzioni, s’economia e sa polìtica. Prus a prestu su sardu podit èssiri feti “citau” a intru de discursus e iscritus italianus. Ma si ndi scarescint de totu, fintzas de su prurali e de su singulari candu citant fueddus sardus. Ponei atentzioni in is ristorantis. Is camerieris nant |