Chenabura s'oto de custu mese de treulas su Sotziu Limba Sarda atobiat amigos, cumpangios e amantiosos de sa limba e de sa Natzione Sarda.
Ses cumbidau/a tue puru a sas 8.00 de merie in sa sala Cosseddu de sa Domo de s'Istudiante in Casteddu.
Bolimus arrejonare in pari cun àtera gente chi ischieus ca est aficosa po custas chistiones de comente aprontare fainas noas e initziativas fortes po s'amparu de sa cultura nostra.
S'impleu de custas chistiones, in su momentu presente in Sardigna, comente ischis, no est in abbas bonas.
Est arribbau su momentu de nos pònnere a pensare comente fàere de prus po sa cultura sarda.
Su Sòtziu Nostru, chi est vivu ormai de chimbe annos, cheret ismanniare e aberrere gennas e sentidos a àtera gente chi tenet passione e gana de triballare. Aus pensau a tie puru. Beni, non manches.
Argumentos de discussione:
1) Istadu de sa polìtica limbistica e culturale in Sardigna
2) Resumu de s'atividade de su Sòtziu Limba Sarda e progetos
3) Iscritziones e adesiones noas
4) Organisatzione de sa festa de su 22 de treulas
Arregodadinde
chenabura 8 treulas 2005 sala Cosseddu
Domo de s'Istudiante in Casteddu
h. 20.00
