|
27/07/2004 Su premiu de poesia de Posada Pinna e Alcioni binchidores Antoni Maria Pinna de Putzumagiore e Paula Alcioni de Casteddu ant bintu su de 23 premios de poesia de Posada. Cun "Penas cuadas", Pinna est arribau primu in sa setzione de sa poesia rimada. Po sas poesias a versu liberu sa poeta casteddaia at otentu su arreconoschimentu prus mannu cun su cumponimentu "A passu solu". Segundu in sa poesia rimada est Pinucio Giudice Marras de Macumere, mentres in sa poesia libera at balangiau su postu de onore Antoni Maria Pala de Torpè. Sa Alcioni est sighindo a pònnere in bertula premios de poesia in logos medas de Sardigna, non ùrtimu s'annu colau, su premiu Utieri. Propiu Paula Alcioni cun Antoni Maria Pala sunt acanta de bessire cun d'unu libbru, imprentau dae Condaghes, chi si candidat a èssere una de sas novidades prus de importu de s'annu. Unu romanzu a battor manos e a duas animas iscritu in sas diversas variadedades de sos autores. Su tìtulu at èssere "Addia" e at èssere de seguru una prenda de lègere cun aficu. |