Giughiat una peddhe ipianischada mancarri esseret gia apidu noranta e passa annos. Tia Maria Atonia, comente tottu in cussos tempos diffitziles, aiat passadu bisonzu, issa e sa famiglia totta canta. Su maridu, tiu Giuannandria, fit un omine ipidineu, grande trobagliadore. Sa familieddha isthaiat in sos giassos de Sassu Altu, ue sa temporadas si faghiant intendher pius de sos ateros logos in basciura. Addainanti e’ sa domo b’aiat una begula de Nieddhu Mannu, chi ogni annu Deus Grascias, daiat bonos budrones de ua. Issu Giuannandria, cun Maria Antonia e issa familieddha si setziant in su frischu a bulsthare, ei sa pius bolsthas s’aunzaiant su pane de triguindia cun sa ua, pruite che falaiat mezus in s’ ischrastholu.
Daeboi chie in s’odijeddha sos pius minores, chie chentza nuddha istherrujados in terra, a si fagher su “mesudie”.
-Ite sezis ischesthiendhe?…..-DrommideBos piseddhos, chi a custh’ora passat sa mama e’ su sole cun Maria Lentolu-.
-Finidendhela cun cussas mustriacas e ingalenadeBos!!
“-Deo non b’haia mai cretidu ai custhas cosas antigas, segundu me, sos mannos Nos lu faghiant appostha a Nos fagher timer-”.
Sas domos de s’Isthria fit una pinnetta e un’ appusentu chi aiat fattu bisaju meu cun amigos, a invitu, ossiat poi de aere cumpridu s’imposthu, petta de alveghe a buddhidu pro tottu.
Su fraigu fit derruttu ei su notte s’intendhiant boghes de ogni iscera, chindhe faghiaimus ammancu debbi passare acculszu.
Accandho, in dh’unu e in tantu, sos urulos ei su fragassu addaesegus dessos muros betzos:
“-Bae!!! Chi deo non m’assuccono!!, tantu l’ischo chi sa pantasimas no esistint”-
Finzat sos animales chi esseint che ischatta e raju, ei sa zente manna fattu fattu, alluttos che fogu.
Tia Maria Antonia setzida in sa petza e’ sa domo n’de ogheit su rosariu dae busciacca…
– Avre Maria, grascias Plena!!……
“-Tandho sas cosas sunt beras?”-
Unu brincu e… truva…, fattu fattu a sos pius minores. Chie sutta a una matta, chie addaesegus de unu muru, chie insa pinnetta e in ater’ ue.
Su coro meu fit in bolos, fuendhesiche dae ucca, chi non mi lassaiat mancu repirare.
-Mih!! Mih!! Si bi sunt sas pantasimas ei sas mamas de su sole !!. -Attrecchè buglia è sero : -Oih mama mia !! Deus nondhe alsdhet!!!
Che passeit una bona ischutta. A orija parada aisettende chi sas cosas s’esserent gammadas.
Sutta a s’alvure de sa figu cana, un’ischimuzu… “b’aiat zente riendhe, fintzat a’ ishcaschaglios”:
- sca…sca…sca….!! E ite cosa curiosa. Fit dae tempus chi no riija, goi meda. Nd’as bidu e’ zente fuendhe!!! sca..sca..sca!!!....
- Oih chi mi dolet sa matta dae su risu!!!
Giuannandria cun su compare de fide sutta a unu lentolu pius nieddhu che biancu e tot isthratzuladu e male tapuladu, si fint trofighendhe dae su dolor’e’ matta de tantu rier.
In dh’unu e in tantu, tottu n’ dhe fint fora dae sos cuadolszos, inghiriados a sas pantasimas. Chie riendhe, chie ancora a lagrimas in ojos.
Finzat tia Mariantonia aiat cumpridu sas oratziones:
- Non si faghet gai…., Bazinnoramala……chi sos minores s’assucconant e li resthat fintz’ a’ mannos- Salva Nos Domine!!!.
-Bae Antonè e pigandhe sa laghinza, chi est in su petzu de su Cannalszu.
- e tue Ainzè lea su madrigadu e comintza a immandrare.
- Bazi fizos ch’est ora e’ tribulare-.
Cun frade meu amus fattu unu drettu umpare e l’apo nadu:
Benu male chi sas pantasimas ei sa mama de su sole no esistint, puru si intr’è coro meu bin d’hat meda e ogni upa mi parent issas.
Bos mando un ateru ischrittu mai pubblicadu, pro chindhe fatedas sa mezus cosa a piaghere olstrhu.
Bos saludo e Bos rengratzio.
Mario Unale de Tzaramonte in Anglona .
Tzaramonte s’unu de Lampadas de su duamizaechimbe.
