Su 1929 s'annu chi hiant sinnau su mundu
Cun sa disocupazioni,e duncas cun sa miseria
E su famini chi sempiri sighit in su tempus de mancanza de traballu,pirri logu de su mundu,
cun sa disoccupazioni, sa miseria e su famini
ch'indiddi fiat arrutu cun sa perdita de su traballu ,hiat perdiu puru sa dignidadi de cumunidadi lilibera e, cud'unu fai de prepotenza de parti de is meris de insaras
chi fianta fascistas,fiat istetia intregada e accorpada amarolla a Casteddu.
Casteddu,zitadi,de interessus no sempiri limpius,in poderi de is mercantis de su dinai
E de sa politica,po Pirri comenti po is aterus
Comunus chi hiant tentu e biviu su propriu sciaccu;finzas de inzaras est istetia una Birdia
Maladitta chi hat mirau a s'ingrassai issa a
Scapitu de is frazionis filastas consideradas
A tortu appendizius de issa;e su fini chi medas,de is Pirresus de insaras si fiant
Postu, po fai cresci',e ammanniai sa bidda
Aintru de is proprias capassidadis, fiat stetiu
Traixiu,e duncas,mancau.
Su 1948-annus a pustis sa fin de sa gherra e de su poderi politicu fascista-cun sa creazioni de sa Repubblica Italiana po costituzione bofia de su populu guidau de is partidus politicus, sa Sardigna fiat diventada una
Regioni autonoma cun su statutu speciali.
S'articulu 3 de custu statutu,a su puntu b.
Narat chi depit essiri fattu su decentramentu
amministrattivu e is circoscrizionis; siat puru
cun ritardu is circoscrizionis sunt stetias fatas
e sunt in pei, ma peṛ no tenint nisciunu poderi amministrativu;su compitu insoru est
cussu de stabiliri cali siant is abbisongius de s'anbienti,e ddus riferiri a su conzilu comunali;custu poi hat a biri de podi'interveniri e cun cali manera,si bolit;ma
medas bortas non pigat nemancu in considerazioni is signialazionis chi ddi
benint fatas,aici faendu benit snaturau su spiritu de su statutu regionali,traiscius is
abetus de su populu,e anullada sa democrazia
chi olit sa soluzioni de is temas de interessu
collettivu e de cuscus de interessu particolari-
ma ddi cumbenit a Pirri a abarrai in custa
condizioni;una condizioni bregungiosa chi dd'obbligat a is partidus e a sa burocrazia
amministrativa chi di acordiu e impari no hant a risolvi mai is problemas chi sunt
effettivamente is de sa bidda,poita sa burocrazia est propriu cussa chi narat su poeta Larentu Ilieschi;
burocrazia potente signora
chi mandigas papiru a tunneladas
sempre faida de cartas buladas
se de ogni regima prottettora
burocrazia bezza e paralitica
ses destinada a faghere ii eternu
sa rufiana de donzi guvernu
disposta a digerire donzi politica
donzi partidu ti faghet sa critica
finas a tennere in manu su podere
poi dae te si serbit a dovere
pro mandare a ramengo donzi riforma
chi bastat una borbonica norma
pro ritardare finas s'aurora.
E is patidus scieus ita sunt.
E duncas ita depi fai Pirri? Ddi cumbenit,
a si fidai ancora de is promissas chi dd'hant
impresonada in sa circoscrizioni de Casteddu?o ddi cumbenit un'atu de coragiu
chi rivendichit s'autonomia comunali po no
essiri in poderi di amministradoris chen conca?unu coragiu aici comenti dd'hanti
tentu is Cerascinus prima,is Quartuciaius pustis,e immoi is Paulesus,chi arroscius de
sa condizioni in sa cali is Pirresus s'agatant
ancora, hanti circau sa manera de si liberai
de Casteddu po si podiri amministrai doverosamente de sei siat puru sbagliando,
ma aintru de is deretus sa democrazia.
In dognia modu,finzas a candu no s'hat
A isciri ita strada pigai,e finzas a candu custa
Condizioni durat,est doveri e deretu de is Pirresus,presenziai a is riunionis de su conzilu de Circoscrizioni e de su conzilu Comunali,e de contrastai,impugniendu
Anantis de su Tribunali amministrativu Regionali,is deliberaus,de s'unu e de s'ateru
Organismuchi no tenint contu de is abbisongiusde Pirri,est o chi in calencunu modu ,siat puru a tempus trigadiu,ddi pozzat
Portai dannu;tanti custu modu de fai est democrazia.
Su coragiu de rivendicai s'identidadi propria
De Pirresus,e de contestai is decisionis de palaziu.candu fessint a dannu de Pirri,
Est nezessaria de tenni po 'ndibessiri de
Sa condizioni de pedidoris non ascurtaus
E mali prossedius,e po podi essiri dignius
De ragiungiri unu fini in su cali s'accabit sa
Considerazioni de zitadinus de serie b.
Chi de is Pirresus ndi tenit Casteddu-
E po serrai,poita sa condizioni civica in
Sa cali hoi seus custrintus,est cussa chi si
Portat a dirigiri su chi si spettat e est cosa
Nosta po derettu de ominis,permitei chi regordi comenti un'ateru poeta figurat
Sa condizione comente sa nosta;
si seus ridusius aici
a pedini maledixiri e serbiri
po podiri tirai di hi a cras.
Agostinu cannas
