Meda peideros, e custa est propriu una irgonza, ant organizzadu pro sa dominiga una bella campanniāta pro irbeliāre (distrarre) sos fedeles e no los faghere andare a votare.
In custas ultimas dies sa Cheja cun su Papa puru, est intervennida meda pro chircare de cunvinchere sos cattolicos a no andare a votare, ma medas de sos catolicos no sunt de acordiu cun custa intromissione in sas lezes de s'Istadu.
Una gherra gai tosta no si bidiat dae sos tempos de su referendum a subra s'aborto.
Cussu chi peroe no s'ischit est chi unu grupu mannu de peideros, e monzas ant firmadu unu documentu in favore de su referendum chi narat de votare a segunda de ite narat sa cussentzia de onzunu. Custu documentu est istadu pubblicadu su 9 de lampadas in su diariu "IL RIFORMISTA" pag. 3. Comente mai niune nde faeddat?
Cussu de cunsizzare a sa zente de non votare est una faina grave meda, chi cheret cantzellare 500.000 frimmas, a su nessi. Ma pro sa leze 40/2004 nde sunt istadas boglėidas pius de unu milione de tzitadinos chi cherent mudare sa leze e cantzellare sos articulos in discussione.
Su dovere e su dirittu tzivile de andare a votare pro seberare unu sė o unu no comente risposta a su referendum devet essere rispettadu dae tottus. E diat dever essere rispettada puru sa libertade de cussentzia de sa zente e tzertos problemas pessonales e familiares chi custa leze andat a toccare e chi provocat traumas e tragedias in sa psicologėa e in sas coppias chi cherent aere unu fizu e no bi resessint.
A custu referendum diant a devere andare a votare totus. Siant cussos chi no ant mai āpidu problemas a aere fizos, siant cussos chi a dolu mannu no resessint a los tennere.
Est unu referendum particulare meda pruite custa leze non toccat a totus e pro cussu zente meda no s'est informada e no ischit ancora si andare a votare o nono.
Ma chie est tocadu dae custa leze suffrit meda pro non pōdere essere pius agiudadu dae sa chirca e dae sa meighina chi aiant fattu passos a innanti pro sos problemas de infertilidade de sa coppia e pro sas maladias geneticas a intru sa coppia ettotu. E suffrit meda de pius pruite ischit chi s'isseberu de sa zente chi no at a andare a votare at a essere determinante puru pro sa vida sua e de sos fizos chi disizat e chi no resessit a aere.
E tando tocat a non essere egoistas, e pessare chi custos problemas podent capitare a totus, fintzas a nois, a sos fizos nostros, a sos nepodes nostros, a sos amigos, a sa familia nostra, a su ighinu e' domo e gai a innanti.
Sas coppias a die de oe sunt pius betzas cando si cojuant. E custu no pro unu seberu, ma pro su pius pro sa dificultade de agatare unu trabagliu pro podere muntennere una familia bennidora.
In pius, sa vida nostra est sempre pius istressada, e ateras motivasciones podent gighere a s'isterilidade o a sa dificultade de āere fizos. Candu duas pessonas si cherent bene, s'istimant, tando cherent faghere una familia e cherent aere fizos issoro.
E tando prima de detzidere si andare o nono a votare nos devimos faghere calchi pregunta:
1) Pruite s'Istadu (e sa Cheja), devent frimmare sa possibilidade de faghere chircas iscientificas o impitare tecnicas noas pro dare a una coppia sa felitzidade de aere unu fizu?
2) Pruite sa Cheja, in custa occasione tantu acultzu a s'Istadu, no trabagliat impare a Isse, sempere, pro dare meda pius trabagliu a sos zovanos chi si cherent cojuare e faghere una familia? Pruite no ispinghe o pedit lezes pro agiudare sas familias e no pro ponnere ateros problemas?
3) Pruite cussas coppias chi gighent problemas de maladias geneticas, comente podet essere sa talassemia (anemia mediterranea) , e sunt meda propriu in Sardigna, no podent impitare pius (dae s'annu passadu cun sa leze 40) sas curas e tecnicas pro s'analisi "pre-impianto", e devent suffrire e detzidere a pustis de istrumare (abortire) si su fizu risultat malaidu? Est una cosa contra a sa vida, non pro sa vida e contra sa salude de sas fčminas e de sas criaduras puru.
4) E tottu s'inare pro custa campagna antireferendaria dae inue at a essere bessidu? No at a essere cussu chi nois tzidadinos italianos e cattolicos amus seberadu de versare in sa dichiaratzione de sos redditos cun su contributo de s'8 pro mille? No fint pro agiudare sa Cheja, sos poberos e sos ilfoltunados?
Chelzo narrere a totu cussos chi fizzos nde ant apidu , chi diant a devere pessare ite aiant pessadu o fattu si no fint naschidos mai.
E cun custu meledu, bos naro de andare a votare e faghere votare a sos referendum:
de dominiga e lunis 4 SI!!!
Sa cussentzia devet essere libera e s'Istadu lāicu.
