"Sa gianna tancada" est su romanzu nou, iscritu in sardu, de Nanni Falconi, patadesu tramudau in Tempiu. In su mese de nadale de su 1979, in una curva prima de s’intrada de Bidducara, una màchina che esseit fora dae s’istradone e che faleit in una tèrema. Gai morzeit Antoni Etzu a pagu tretu dae Mateu Soza. S’incras manzanu, Mateu agateit sa carena tètera de su nebode, in sa branda chi Antoni Etzu aiat in su coile. In costazos si li bidiat bene s’istampu fatu dae sa badda chi l’aiat batidu sa morte. B’aiat àpidu un’isparatòria in sas campagnas sardas cussu note, ma non si nd’aiat ischidu nudda. Passa de bint’annos pustis, cando non bi fit pensende piús, Mateu Soza connoschet una persona chi l’iscanzat sa gianna de su mistériu de sa morte de su nebode, s’ammentat de sa prumissa chi aiat fatu a su frade, e si ponet a ispeculitare… S'autore de "Su cuadorzu", àteru romanzu imprentadu dae sa Condaghes de Frantziscu Cheratzu comente e custu, giaet una bella proa de narratzione a intremesu de unu "noir" in limba e de unu lìbru de inchesta. Novidade de non ismenguare: cun sa limba sarda si faeddat de contos cuntemporaneos.
Sa gianna tancada
Dim. 12x17 cm
Pagg. 188
Anno di edizione: 2005
ISBN 88-7356-080-6
Collana: Paberiles
Prezzo: 10,00 Euro
Sa gianna tancada