S'editora "Domus de Janas" de Fabio Pillonca at imprentau unu libru de poesias de s'autore lacunesu Elia Lai, chi est ancu biu e at lòmpiu is ottanta annos. Cun su tìtulu "Isteddos", sa domo de imprenta at incungiau una arregorta de poesias iscritas de un'òmine chi at tentu una vida de peleas a fùrriu de su mundu in Africa e Asia primu de torrare a si pausare in Sardigna. Avatu de unas cantus poesia in logudoresu (chi in Làconi est cunsiderada sa limba sarda "iscrita" po ecelléntzia), su libru sighit cun d'unu tecoi de cumponimentos iscritos in sa variedade naturale-comunale lacunesa. Unu documentu de importu de su limbàgiu chistionau in custa bidda de Mesania chi tenet unu dialetu cun particularidades lessicales e fonéticas de interessu ma pagu indagadas a livellu de iscéntzia linguìstica. A s'annanti de is poesias una presentada de Paulu Pillonca. Paris cun is operas de Frantziscu Lai e de "Tziu Frana", su libru de Elia Lai annanghet unu càpitulu nou a su patrimoniu de sa poesia de su Noeghentos de is autores lacunesos. Làconi: una bella bidda de su Sarcidanu arrica de cultura e de amore po sa poesia e sa limba sarda.
Elia Lai
"Isteddos"
pag. 225
pretziu euros 10.00
Domus de Janas (Selargius)
Elia Lai