Est torra in programma po martis 28 de su mese de freargiu a sas chimbe de merie in Roma sa setziada de su Senadu de sa Republica chi diat dèpere aprovare sa Ratifica de sa Carta Europea de sas limbas. In sa de su 21 s'assemblea no at traballau a pitzu de su testu cun sa motivatzione ca sas cummissiones non aiant acabbau s'iscumbatu de sos articulos. Galu innantis, sa matessi lege no est colada ca in s'aula non si ddue at presentau nemos. Sa purrata de campagna eletorale de tzertu non favoresset unu passàgiu parlamentare de custa creze. Ite at a costare martis? S'aprovu de su Senadu est s'ùrtimu atu chi fartat po chi s'Itàlia fatzat devenire lege in su territoriu suo puru sa Carta Europea de sas Limbas Minoritàrias e Regionales chi su parlamentu de Istrasburgu iat dispididu su 5 de Santu Gaine-Onniassantu de su 1993. Sa Camera de sos Deputados aiat giai aprovau su testu in su 2003. S'Itàlia est abbarrau s'ùnicu Istadu de s'Europa Ocidentale, paris cun sa Francia, chi galu no at ratificau sa Carta. Martis
coladu est istada puru, po s'Unesco, sa Die de sa Limba Materna. Chi siat unu sinnu bonu?
