Est de importu a sinnalare s'ispetàculu galanu postu in iscena in Casteddu, calencuna die a como, dae sa cumpagnia Bocheteatru. Si tratat de "Mialinu 'e Crapinu", arresada bogada a campu dae su romanzu esistentziale de Michelangelo Pira, "Sos sinnos". Unu esempru de teatru in sardu chi non siat sa "farsa" popularesa de sèmpere o s'impreu de su sardu comente médiu pro riere. Giovanni Carroni, s'atore, at faeddau po un'ora in duas limbas: italianu e sardu vitzichesu. Arresurtau unu pagu minimalista. ma de seguru profetosu. Carroni galanu meda. "B'at cosas chi a las cumprendere..."
