Lāconi - In sa sala prena a intipu de su centru culturali s'est fata, sabudu su
4 de freaxu passau, sa presentada de su libru de Elia Lai "Isteddos" (Domus de janas). Ant partecipau a sa tzerimonia su sėndigu Fausto Fulghesu, su presidente de sa comunidadi montana Paolo Addis, su curadore de s'opera Paulu Pillonca e su ci at ordimingiau totu sa fāina de cumentzu, Ignazio Coni. In prus, e custu at giau a su meria una airi de festa e de serenidadi, fut presente s'autore, tziu Elias, friscu de is prus de otant'annus ci tenet. A pustis de airi tzerimoniau is presentatziones de ghia, Pillonca at fatu una relata a pitzu de is temas ci Lai at tocau in is cantzones iscritas in totu sa vida: s'amore, sa familia, sa bidda, sa gherra, sa presonia, su dolu e s'amighentzia. Unas cantus poesias ddas ant lėgias unu fiotu de piciocheddos, mentres fotografias antigas de sa vida de Elias Lai e de sa 'idda si podiant castiari proietadas in d'unu ischermo. Su pųblicu at partecipau a manera ativa fintzas cun leturas de āturas poesias e de interventos de sabiore. Cun ātri ant foeddau Ciciteddu Manca, Otaviu Cossu, Peppe Corongiu. Crosidadi manna at moviu in sa 'idda sa pubblicatzione, paris cun is cantzones, de unu glossāriu de foeddos antigus lacunesos a incuru de Ignatziu Coni, ci at torradu a bogari a campu foeddos curiosos aderu. De interessu fintzas s'impreu de sa limba: unu logudoresu de mesania a su costadu de sa variedadi naturali lacunesa. Unu mogliu de tratamentu limbėsticu a su cali podet mirari totu sa Sardigna.
