Dedìco custu "sonetto"de tiu Remundu Piras de 'Iddanoa Monteleone,Poeta
Improvvisadore,su pìus mannu chi sa Patria Sarda epe'tentu, a s'assessora
Pilia, a sos che a issa,"veros inimigos"de sa Limba,de sa Cultura e de sa
Natzione Sarda,a sos chi male la cossizana e dae sos cales pius che male si
faghet cossizare...
===============
Sardu, si ses sardu e si ses bonu,
semper sa limba tua apas presente:
no sias che isciau ubbidiente
faeddende sa limba 'e su padronu.
Sa nassione chi perdet su donu
de sa limba,iscumparit lentamente
massimu si che l''essit dae mente
in iscritura che in arrejonu.
Sa limba 'e babbos e de jajos nostros
no l'usades pius nemmancu in domo
prite pobera e ruza la creides.
Si a s'iscola no che la jughides
pro la difunder menzus,dae como
sezis dissardizende a fizos bostros.
================
P:S
Chi la torret in segus est s'ispera,
cussa proposta fea e mala,
fat'a sa muda sa chida passada,
innanti chi li fetant perdere...... sa cadrea...
Peppe Luisi Pala Bosa-Sardigna
