|
14/12/2004 Sa Fiera de s'editoria "Pių libri, pių liberi" Editores a Roma, polėticos in ue? de Lucio Angelo Porcu Est acabada duminiga, su 12 de nadale, sa Fiera de s'editoria "Pių libri pių liberi", (web piulibripiuliberi.it), cumintzada batoro dies primu in Roma. Cun 341 editores, 39.000 personas intradas, est s'atopu prus mannu de sas medias e piticas sotziedades de imprenta. Est cumintzau in su 2002 in su "Palazzo dei congressi de s'EUR" e in cue fiat ocannu puru. Sos ses editores sardos chi suntis benidos pro mustrare sos produtos issoro suntis istados: Aipsa, Condaghes, Cuec, Geogramma, Grafica del Parteolla e Ilisso. A intro 'e sa fiera suntis istados presentados sos libros: "Doppio Gioco" de Paolo Maccioni, "Tre corsi di linguistica leggera" de Salvatore Pinna pro sa CUEC; "Limes Rhaetiae" de Massimo Drago, "Memorias de Marianu" de Giuseppe Pusceddu pro Aipsa; Sa collana de litteradura in limba sarda "Paberiles" de sa Condaghes. S'urtima est istada presentada in s'istand itotu, in limba sarda, de Frantziscu Cheratzu. De su sabadu sa zente est cumintzada a acudire meda. Sardos disterrados e medas romanos si frimaiant a abbaidare, faeddare, nessi a comporare libros e produtos. Caras connotas comente sa de Sergio Frau, s'autore de "Le colonne d'ercole", si suntis acostias. A narre sa biridade est mancada sa visita de sos politicos. S'assessore Pilia fiat in Roma su 9 de nadale pro sa presentada de su libru "Radio Brada", ma non si est bista in sa Fiera, comente non si suntis bistos totu sos politicos sardos chi istant in Roma. Est unu peccau puitte sos editores sardos suntis unu bene pro sa cultura e sa vida sarda. Si faeddat medas bortas de indentidade, ma chenza 'e s'azudu 'e sa cultura, in sa gherra mediatica de dognia die, no est fatzile meda cumprender ite est e comente si fraigat. S'assentzia 'e sos chi setzint in sas cadiras de importu est unu de sos sinnales de cumente medas bortas sa cultura non intrat in s'agenda politica. Unu male antigu chi, isperemus, at a sanare. |