Pusticras, cenàbara su 10 de Mesi de Idas-Nadale, a is noi a merì in su Cineteatro "Nanni
Loy" de Via Trentino in Casteddu s'Assòtziu de Cultura Itzokor presentat su dogumentàriu
"Contu de Antigòriu". In su pàtiu 'e su teatru ddu-i ant'essi tres plàsticus de monumentus
archeològigus sardus fatus de s'artisanu Cristian Fiori de Casteddu e spricaus e cumentaus
de is de s'Assòtziu Itzokor. S'Assòtziu at a amostai un'esempru de stratigrafia archeològiga,
cun terra bera e repertus berus, po fai cumprendi it'est chi bit un'archeòlogu candu sgavat
e cumenti fait a proponni un'interpretu scentìfigu de su chi bit. Su dogumentàriu, invècias,
at'essi prus pagu técnigu, ca, cumenti narat su tìtulu, est unu contu, fatu po ddu cumprendi
chini mancai no est interessau a s'archeologia ma bolit sciri it'est sutzédiu in Sardìnnia in
is tempus antigus. At a durai prus o mancu un'ora. Is perìodus contaus funti su Prenuràgigu e
su Nuràgigu.
scheda:
DOGUMENTARIU ARCHEOLOGIGU IN LINGUA SARDA de s'Assòtziu Culturali Itzokor.
TITULU: "Contu de Antigòriu"
FILMAU, MUNTAU E DIRIGIU DE: Alessia Camboni e Francesco Capuzzi
MUSICA DE: Francesco Morittu
SONADA DE: Franciscu Morittu e Cécile Rabiller
TESTU E BOXI: Millanu Manca e Matteo Tatti
Cun sa cuncessioni de su Ministériu de sa Cultura
Cun su patrocìniu de s'ERSU
SA PRESENTADA S'AT A FAI IN CASTEDDU, IN SU TEATRU NANNI LOY DE VIA TRENTINO
A IS NOI A MERI' DE SA CENABARA 10 DE SU MESI 'E IDAS.
