Huelà gent
1) ve fem a ment che l'è vegnüü fö el nümer 7, el prim del 2006, de La Vus
de l'Insübria. Per abunass l'è assee met gio 10 euro sura el cunt curent
pustal n° 59989681 Intestaa a "Assuciaziun La Vus de l'Insübria" caüsal:
"abunament giurnal 2006". Per info: vusinsubria@libero.it; 339-6855147
2) CURS DE LENGUA INSÜBRICA A DES (MI) maèster Dutur Paul Antugnel
PRUGRAMA
Lünedì 29 de magg - CUSA L'È L'INSÜBRIA?
Intruduziun a la storia, a la lengua e a la cultüra de la nosta tera
Lünedì 5 de giugn - LA ZITÀ
leziun pratega per imprend a desbruiàss in zità, truà la straa o ciamà di
cünt
Lünedì 12 de giügn - EL 'SHOPPING'
leziun pratega per imprend a nà a prued in lengua insübrica
Lünedì 19 de giügn - EL TEMP
i stagiun, i mes e i agn, ma anca la piöva, la scighera e la fioca
Lünedì 26 de giügn - 'CAPITAN SLAFF'
del Davide Van De Sfroos legg e scultà un laurà de leteradüra insübrica
muderna
Lünedì 3 de lüi - 'SCIGULA'
cunzert-incunter intra Insübria muderna e passada insèma del barbapedana
brianzöö Francesco Magni
El curs de lengua insübrica l'hèm pensaa per fàgh imparà, suratüt ai püssee
giuen, la manera de druvà la nosta lengua in tücc i mument del dì.
In tücc i leziun purtarèm innanz un laurà prategh cunt el scultà la müsega
insübrica muderna e cunt el vedè di sit-com insübrich.
A tücc i stüdent ghe darèm el manüal 'L'insübrich senza fadiga', el manüal
druvaa in del curs
I leziun saran faa in de la Sala Pertini del Cumün,
cuntrada del Gramsci n.3 - Des
LA PARTECIPAZIUN A TÜCC I SIRAD L'È A GRATIS
INFURMAZIUN e Prenutaziun
Cumün de Des: tel.: 0362.392. 373 / 240 http://www.comune.desio.mi.it
Assuciaziun "La Vus de l'Insübria": www.giurnal.org
tel. 338-3336373 Paul Antugnel
Salüdi
Marcel Picamei
Cuurdinadur "La Vus de l'Insübria"
************************************
Stagh a l'öcc. La Vus de l'Insübria la dupera la posta letronega per trà in
gir nutizzi di sò atività de lee. In relaziun ai legg 675/96, n 196/2003 e
mudifich per la tütela di person e di olter suget interessaa del tratament
di dati persunai ch'hin vegnüü despöö, ve fem a ment che i adress de posta
letronega vegnen di person che cugnussem, de cuntat, de l'internet o de
elenchi de dumini püblich. Se per cas hem canaa a mandà 'l mesagg e violter
gh'avii mia piasè a legg i nöf sura la nosta assuciaziun, se scüsem e ve
ciamem de mandà 'na resposta per fà savè che vöref vess tiraa via di noster
elenchi.
La Vus de l'Insübria
trimestral in lengua insübrica
www.giurnal.org
