Sa die de sa Sardinna 2006 at a esser dedicada a s'Istatutu nou de s'autonomia
Sa Giunta regionale, a pustis de su pàrrere in favore de sa cumissione cunsiliare cumpetente, at detzisu de intregare Sa Die de sa Sardigna 2006 po fàghere prus acatosa sa comunidade regioonale abbias a unu tema de fundamentu: s'Istatutu de s'autonomia nou.
In ocasione de sa setziada noa de traballu de sa Consulta istatutària, chi at a tennere su masione de torrare a iscriere sa Carta de sa Sardinna cun su médiu de sa partezipatzione prus manna de su pòpulu sardu, Sa Die 2006 at a éssere un'oportunidade de meledu puntuale e cumpartzida subra de unu tempus nou de s’autonomia, cun d'una sèria de cunferèntzias pùblicas subra de sos printzìpios de s'Istatutu nou.
Sa Giunta regionale at dadu s'incarrigu a s’Assessore de sa Pùblica istrutzione, benes culturales, informatzione, ispetàculu e isport de artìculare comente ant a esser partzidos sos gastos chi si riferint a sa tzelebratzione de Sa Die de sa Sardinna 2006, subra de su tema isseberadu, chi ant a esser propostos dae sos entes locales, assòtzios, istitutziones iscolàsticas e tzìrculos de emigrados sardos.
