Su primu longumetrazu italianu chi ant realizadu est unu filmi de Giuseppe
de Liguoro tituladu "S'Inferru". No est ateru chi una rapresentatzione de
s'opera de Dante, e cun sutatitulos iscritos e leghidos in limba sarda, non
podet esser ateru chi una contributzione a s'afortimentu de sa limba nostra.
Sa boghe est de unu sardu chi dae unos cantos annos bivet in Irlanda. Forsis
b'azis a notare un'atzentigheddu irlandesu, ma pro a mie andat bene su
matessi.
Su filmi est istadu amustradu a primu de totu a su publicu de Napoli, pessade
belle in su 1911, e dae tando at connotu fama internatzionale. Sos efetos
ispetziales sunt unu ispantu, cossiderende chi l'ant fatu casi chentu annos a oe, e at
influentzadu sena duda s'isvilupu de s'industria tzinematografica . Una
meraviza a lu pompiare, e seguramente unu documentu istoricu de importu
mannu.
Pasca manna est colada e Faeddos cheret contribuire a tzelebrare cun totus
sa Die de sa Sardinna, su 28 de Abrile.
A chie nde cheret una copia, TOTU GRATIS, imbiade s'indiritzu chi za bos la
imbiamus. E cun issa, puru una copia de un'ateru DVD de Buster Keaton cun
duas paristorias issas puru cun sutatitulos in limba sarda.
Iscriide a mie, o pompiade su zassu
www.libros.iofm.net
